04 May, 2021 11:27 AM IST | Mumbai | Rashmin Shah
લવીના ટંડન
દંગલ ચૅનલના શો ‘નિક્કી ઔર જાદુઈ બબલ’માં ઝંઝારિકાનું કૅરૅક્ટર કરતી લવીના ટંડને ઝંઝારિકા બનવા માટે જે ગેટઅપમાં આવવાનું છે એ ગેટઅપમાં આવવા માટે ચાર કલાકથી પણ વધુ સમય થાય છે. લવીના કહે છે, ‘આ ગેટઅપ માટે ૮ ક્લોથ્સ પહેરવાનાં હોય છે અને જો જ્વેલરી પણ કાઉન્ટ કરીએ તો બધું મળીને મારે બાવીસ ચીજવસ્તુઓ પહેરવાની હોય છે. હેરસ્ટાઇલ અને મેકઅપ બધું કરતાં મિનિમમ ૪ કલાક લાગે, પણ એ રેડી કરી લીધા પછી સાચે જ એવું લાગે કે હવે ઝંઝારિકા બની ગઈ છું.’
ઝંઝારિકાના ક્લોથ અને તેનો ગેટઅપ તૈયાર કરવામાં અઢી મહિના લાગ્યા હતા. મજાની વાત એ છે કે સાત ગેટઅપ અને ક્લોથ તૈયાર થયા પછી રિજેક્ટ કરવામાં આવ્યા અને ફાઇનલી અત્યારે જે છે એ ગેટઅપ તૈયાર થયો છે.