ટીવીની વધુ એક અભિનેત્રીએ આપ્યા ગુડ ન્યુઝ, ૪૨ની ઉંમરે માતૃત્વનો આનંદ માણશે

Karishma Tanna announces pregnancy: ટીવી અભિનેત્રી કરિશ્મા તન્ના ૪૨ વર્ષની ઉંમરે માતા બનવાની છે; કરિશ્માએ તેના પતિ વરુણ બાંગેરા સાથેની સુંદર તસવીરો શૅર કરીને આપ્યા ગુડ ન્યુઝ; કપલના ઘરે ઓગસ્ટ ૨૦૨૬માં થશે બાળકનું આગમન

તસવીર સૌજન્યઃ ઇન્સ્ટાગ્રામ

ટેલિવિઝન ઇન્ડસ્ટ્રીમાં અત્યારે ખુશીઓની લહેર ચાલી રહી છે. એક પછી એક અભિનેત્રીઓ ગુડ ન્યુઝ આપી રહી છે. દિવ્યાંકા ત્રિપાઠી દહીયા (Divyanka Tripathi Dahiya) અને સુરભી જ્યોતિ (Surbhi Jyoti) પછી, વધુ એક અભિનેત્રીએ પોતાની ગર્ભાવસ્થાની જાહેરાત કરી છે. તે ચાર મહિનામાં તેના પહેલા બાળકને જન્મ આપવાની છે. આ અભિનેત્રીનું નામ કરિશ્મા તન્ના (Karishma Tanna) છે.

ટીવી અભિનેત્રી કરિશ્મા તન્ના તેના પતિ વરુણ બંગેરા (Varun Bangera) સાથે તેના પહેલા બાળકની અપેક્ષા (Karishma Tanna announces pregnancy) રાખી રહી છે. ૪૨ની ઉંમરે અભિનેત્રી માતા બનવાની છે. અભિનેત્રીએ તેની ગર્ભાવસ્થાની જાહેરાત કરતી વખતે ઘણા સુંદર ફોટા શેર કર્યા છે.

સોશ્યલ મીડિયા પોસ્ટમાં કરી પ્રેગનેન્સીની અનાઉન્સમેન્ટ

લગ્નના ચાર વર્ષ પછી કરિશ્મા તન્ના અને વરુણ બંગેરના ઘરે પારણું બંધાશે. અભિનેત્રીએ સોમવારે એક સોશ્યલ મીડિયા (Social Media) પોસ્ટ દ્વારા તેના ચાહકો સાથે આ ખુશખબર શેર કરી. તેણીએ તેના ઇન્સ્ટાગ્રામ (Instagram) અકાઉન્ટ પર ફોટાઓની શ્રેણી શેર કરી, જેમાં કરિશ્મા અને વરુણ "મોમ" અને "પપ્પા" લખેલી કેપ્સ પહેરીને પોઝ આપતા જોવા મળે છે. તસવીરોમાં બેબી શૂઝની જોડી પણ દેખાય છે.

કરિશ્મા તન્નાના ઘરે ઓગસ્ટમાં થશે બાળકનો જન્મ

આ ફોટા શેર કરતા, કરિશ્મા તન્નાએ જણાવ્યું કે તેમના જીવનમાં નાના મહેમાનનું ક્યારે આગમન થવાની અપેક્ષા છે. અભિનેત્રીએ શેર કર્યું કે તે ઓગસ્ટ મહિનામાં તેના પહેલા બાળકનું સ્વાગત કરે તેવી શક્યતા છે. કેપ્શનમાં, કરિશ્માએ લખ્યું, "એક નાનો ચમત્કાર, આપણી સૌથી મોટી ભેટ – ઓગસ્ટ ૨૦૨૬."

કરિશ્મા અને વરુણે તેમના પાલતુ કૂતરાઓ સાથે ફોટા પડાવ્યા અને તેમના જીવનના સૌથી મોટી ખુશખબર શેર કરી છે.

સેલેબ્ઝે પાઠવી શુભેચ્છા

કરિશ્મા તન્ના અને વરુણ બંગેરાની પોસ્ટ પર અનેક સેલેબ્ઝે તેમને શુભેચ્છા આપી છે. ક્રિસ્ટલ ડિસોઝા (Krystle D`Souza)એ લખ્યું, ‘અભિનંદન’. જ્યારે દિયા મિર્ઝા (Dia Mirza)એ કમેન્ટ કરી, ‘વાહ! અભિનંદન’. દલજીત કૌર (Dalljiet Kaur)એ પણ પોતાનો આનંદ વ્યક્ત કર્યો, અને ધનશ્રી વર્મા (Dhanashree Verma)એ પણ તેમને અભિનંદન આપ્યા. જાસ્મિન ભસીન (Jasmin Bhasin)એ પોતાનો આનંદ વ્યક્ત કરતા કહ્યું, ‘વાહ!’. જ્યારે ખુશી કપૂર (Khushi Kapoor)એ પ્રેમથી કમેન્ટ કરી, ‘વાહ’. ભૂમિકા ચાવલા (Bhumika Chawla) અને અનિતા હસનંદાની (Anita Hassanandani)એ પણ તેમના અભિનંદન પાઠવ્યા. જ્યારે સંજીદા શેખ (Sanjeeda Sheikh)એ કમેન્ટ કરી, ‘માશા`અલ્લાહ’.

કરિશ્મા અને વરુણની લવસ્ટોરી

કરિશ્મા તન્ના અને વરુણ બંગેરાએ વર્ષ ૨૦૨૨માં મુંબઈમાં લગન્ન કર્યા હતા. આ દંપતીએ ગુજરાતી રીતરિવાજ અનુસાર તેમના લગ્નની વિધિઓ કરી હતી. લગ્નના ચાર વર્ષ પછી હવે ઓગસ્ટમાં બાળકનો જન્મ થવાનો છે.

ટીવીથી મેળવી લોકપ્રિયતા

ટીવી સિરિયલ ‘નાગિન’ દ્વારા ખ્યાતિ મેળવનાર કરિશ્મા તન્નાએ ટેલિવિઝન, બોલિવૂડ અને OTT પ્લેટફોર્મ પર કામ કર્યું છે. તેણીએ રણબીર કપૂરની ફિલ્મ ‘સંજુ’ માં પણ મુખ્ય ભૂમિકા ભજવી હતી. વધુમાં, તેણી ‘ક્યોંકી સાસ ભી કભી બહુ થી’, ‘કહીં તો મિલેંગે’, ‘કુસુમ’, ‘શરારત’, ‘બાલ વીર’ અને ‘નાગિન 3’ જેવા લોકપ્રિય ટીવી શોમાં જોવા મળી છે. વધુમાં, તેણીએ વેબ શ્રેણી ‘સ્કૂપ’ માં તેના અભિનય માટે વિવેચકોની પ્રશંસા મેળવી હતી.