15 May, 2022 02:41 PM IST | Mumbai | Gujarati Mid-day Correspondent
કરણ કુન્દ્રા
‘બિગ બૉસ’ની ૧૫મી સીઝનમાં જોવા મળેલા કરણ કુન્દ્રાએ અંદાજે ૨૦ કરોડ રૂપિયામાં બાંદરામાં પોતાનું ડ્રીમ હાઉસ ખરીદ્યું છે. એવું જાણવા મળ્યું છે કે એ સી-ફેસિંગ છે. આ ફ્લૅટ માટે પ્રાઇવેટ લિફ્ટ અને સ્વિમિંગ-પૂલ છે. તે મ્યુનિસિપલ રજિસ્ટ્રેશન ઑફિસની બહાર જોવા મળ્યો હતો. ‘બિગ બૉસ’ની ૧૫મી સીઝન અને ‘લૉકઅપ’ માટે તેને ખૂબ પૈસા મળ્યા છે એથી તેણે તેના સપનાનું ઘર ખરીદવાનું નક્કી કર્યું હતું. ઍક્ટ્રેસ તેજસ્વી પ્રકાશ સાથેના તેના રિલેશનની પણ ખૂબ ચર્ચા છે. બન્ને સોશ્યલ મીડિયામાં પોતાના પ્રેમનો એકરાર કરતાં હોય છે. એકતા કપૂરની ‘લૉકઅપ’માં કરણે જેલર તરીકે ભૂમિકા ભજવી હતી એથી એકતા કપૂરે તેના પર્ફોર્મન્સની પણ ખૂબ પ્રશંસા કરી હતી. કરણે ખરીદેલા નવા ફ્લૅટ વિશે તેણે હજી સુધી કોઈ ચોક્કસ માહિતી નથી આપી. જોકે એવું બની શકે છે કે આ નવા ઘરમાં તે તેજસ્વી પ્રકાશ સાથે નવી લાઇફની શરૂઆત કરી શકે છે.