શેતાની હિબા નવાબ

તે ‘જીજાજી છત પર કોઈ હૈ’ દ્વારા પોતાની તોફાની સાઇડ એક્સપ્લોર કરી રહી છે

હિબા નવાબ

હિબા નવાબ ‘જીજાજી છત પર કોઈ હૈ’ દ્વારા પોતાની તોફાની સાઇડને એક્સપ્લોર કરી રહી છે. આ શોમાં તે સી. પી. શર્મા અને ઘોસ્ટનું પાત્ર ભજવી રહી છે. આ વિશે વાત કરતાં હિબા નવાબે કહ્યું કે ‘સ્કૂલમાં હું ફેમસ કિડ નહોતી. હું ખૂબ શાંત હતી. જોકે ઘરમાં હું દરેકની ફેવરિટ હતી. મેં ટેલિવિઝન જૉઇન કર્યું એ પછી લોકો મને નોટિસ કરતા થયા હતા. આ શો કરવાની શરૂઆત કરી ત્યારે મારી તોફાની સાઇડ બહાર આવી હતી. ડબલ રોલ ભજવીને હું મારી પોતાની જાતને ઓળખી રહી છું એવું મને લાગે છે. મને ખુશી છે કે આ શો દ્વારા મને મારી જાતને ઓળખવાની તક મળી. ‘જીજાજી છત પર હૈ’માં મેં જ્યારે ઇલાઇચીનું પાત્ર ભજવ્યું હતું ત્યારે મને લાગતું હતું કે હું કેમ તેના જેવી નથી? ઇલાઇચીનું પાત્ર ભજવવાની ખૂબ મજા આવી હતી.’