ફાઇનલી બિગ બૉસ આવ્યું ટૉપ ફાઇવમાં

સલમાન ખાન

કલર્સ ચૅનલના રિયલિટી શો ‘બિગ બૉસ’ની મહેનત અંતે ફળી અને આ વીકમાં શો ટીઆરપીની રેસમાં ટોચના પાંચ શોમાં એન્ટર થયું. જોકે એ પછી પણ એ હજી પાંચમા સ્થાને છે અને આ સ્થાને પણ એ ક્યાં સુધી ટકી રહેશે એ પણ એટલું જ મહત્ત્વનું છે. ‘બિગ બૉસ’ની ગઈ સીઝને તમામ પ્રકારના ટીઆરપી રેકૉર્ડ તોડી નાખ્યા હતા એટલે આ વર્ષે એવી અપેક્ષા રખાતી હતી કે શો જબરદસ્ત હિટ થશે, પણ પ્રથમ ગ્રાસે મક્ષિકાની જેમ, શો શરૂ થતાં જ સીધો ખાડામાં ઊતરી ગયો, જેને બહાર લાવવા માટે કલર્સ ચૅનલ અને પ્રોડક્શન-હાઉસે ભરપેટ મહેનત કરવી પડી અને એ પછી હવે છેક પંદરમા અઠવાડિયે શોની ટીઆરપી ઊંચકાઈ અને એ પાંચ ટોચના શોમાં સામેલ થયો.

આ વર્ષની સીઝન ૧૦૦ દિવસ ચલાવવાની ગણતરી રાખવામાં આવી હતી, પણ એવું ન કરતાં મેકર્સે શોને ૨૧ વીકનો શો કર્યો છે, જેને લીધે ‘બિગ બૉસ’ હજી એકથી સવા મહિનો જોવા મળશે.