‘ઇન્ડિયાઝ ગૉટ ટૅલન્ટ’માં જજની ખુરશી પર બેસવા માટે ઉત્સાહિત છે બાદશાહ

દેશના વિવિધ ભાગોમાંથી અહીં ટૅલન્ટ્સ જોવા મળશે. આ બધા સિવાય મને એ વાતની પણ ખુશી છે કે શિલ્પાજી સાથે મને જજની ભૂમિકા ભજવવા મળશે. મને હંમેશાંથી તેમની સાથે કામ કરવાની ઇચ્છા હતી.’

‘ઇન્ડિયાઝ ગૉટ ટૅલન્ટ’માં જજની ખુરશી પર બેસવા માટે ઉત્સાહિત છે બાદશાહ

બાદશાહ ‘ઇન્ડિયાઝ ગૉટ ટૅલન્ટ’માં જજની ખુરશી સંભાળવાનો છે. આ શોમાં શિલ્પા શેટ્ટી કુન્દ્રા પણ જજની જવાબદારી સંભાળશે. ‘અમેરિકાઝ ગૉટ ટૅલન્ટ’ પરથી આ શો પ્રેરિત છે. આ રિયલિટી શોની શરૂઆત ૨૦૦૬માં થઈ હતી. ત્યાર બાદ લગભગ ૭૦ દેશોએ આ ફૉર્મેટને અપનાવી લીધું હતું. ‘ઇન્ડિયાઝ ગૉટ ટૅલન્ટ’ સોની ચૅનલ પર શરૂ થવાનો છે. આ શોના માધ્યમથી દેશના ખૂણે-ખૂણેથી આવતા ટૅલન્ટેડ લોકોને પોતાની પ્રતિભા દેખાડવાની તક મળે છે. બાદમાં દર્શકોના વોટના આધારે વિજેતાની ઘોષણા થાય છે. જજની ખુરશી પર બેસવાની ખુશી વ્યક્ત કરતાં બાદશાહે કહ્યું હતું કે ‘હું ‘ઇન્ડિયાઝ ગૉટ ટૅલન્ટ’માં જોડાવાથી ઉત્સાહિત છું. દેશના વિવિધ ભાગોમાંથી અહીં ટૅલન્ટ્સ જોવા મળશે. આ બધા સિવાય મને એ વાતની પણ ખુશી છે કે શિલ્પાજી સાથે મને જજની ભૂમિકા ભજવવા મળશે. મને હંમેશાંથી તેમની સાથે કામ કરવાની ઇચ્છા હતી.’