10 June, 2020 09:11 PM IST | Mumbai | Gujarati Mid-day Correspondent
‘ખિચડી’માં જોવા મળેલી અમી ત્રિવદી હવે ‘તેરા યાર હૂં મૈં’માં જોવા મળવાની છે. તેનું કહેવું છે કે તેના માટે આ ખૂબ જ ઇન્ટરેસ્ટિંગ અને ચૅલેન્જિંગ રોલ છે. તેણે આજ સુધી મોટા ભાગે ગુજરાતી વ્યક્તિનાં જ પાત્રો ભજવ્યાં હોવાથી તેના માટે આ એક અલગ રોલ છે. આ શોમાં તે રિષભનું પાત્ર ભજવનાર અંશ સિંહાની મમ્મીનું પાત્ર ભજવશે. આ વિશે અમી કહે છે કે ‘મને લાઇટહાર્ટેડ કૉમેડી શોના પાર્ટ બનવાનું ખૂબ જ ગમે છે. લોકોના ચહેરા પર સ્માઇલ લાવવું મને ખૂબ જ પસંદ છે. લોકો જ્યારે ઘરમાં બેસી રહ્યા છે ત્યારે તેમના ચહેરા પર સ્માઇલ લાવવાનો મને ચાન્સ મળ્યો એ મારા માટે મોટી વાત છે. આ પાત્ર ભજવવા માટે હું ખૂબ જ ઉત્સાહિત હોવાથી શૂટિંગ ક્યારે શરૂ થાય એની હું આતુરતાથી રાહ જોઈ રહી છું. મેં મોટા ભાગે ગુજરાતી પાત્રો ભજવ્યાં હોવાથી આ પાત્ર મારા માટે ખૂબ જ ચૅલેન્જિંગ રહેશે.’