04 July, 2021 04:59 PM IST | Mumbai | Gujarati Mid-day Online Correspondent
સ્મૃતિ ઇરાની અને સુધા શિવપુરીની ફાઈલ તસવીર
કેન્દ્રના ટૅક્સટાઈલ ખાતાના પ્રધાન અને પૂર્વ ટિવી અભિનેત્રી સ્મૃતિ ઇરાની (Smriti Irani)ને નાના બાળકોથી વડીલો સુધી બધા જ જો કોઈ બીજા નામે ઓળખતા હોય તો તે નામ છે, તુલસી વિરાણી. પ્રધાને `ક્યોકિં સાંસ ભી કભી બહુ થી`માં તુલસી વહુની ભૂમિકા ભજવી હતી જે આજ સુધીની લોકપ્રિય સિરિયલોમાંની એક છે. આ શોથી તેઓ ઘરઘરમાં જાણીતા થયા હતા. આ સિરિયલને ૨૧ વર્ષ થતાં તેમણે એક વીડિયો શૅર કર્યો છે. જેમાં ખુશી પણ વ્યક્ત કરી છે સાથે જ એક વાતનો વસવસો હોવાનું પણ જણાવ્યું છે.
સ્મૃતિ ઇરાનીને આજે પણ લોકો તુલસીનાં નામથી ઓળખે છે. આજે ભલે તેઓ રાજકારણમાં સક્રિય હોય તો પણ તુલસીની ઓળખ તેમનાથી અળગી થઇ નથી. `ક્યોકિં સાંસ ભી કભી બહુ થી`ને ૨૧ વર્ષ થતા સ્મૃતિ ઇરાનીએ એક વીડિયો શેર કર કર્યો છે. તેમાં સીરિયલની ઘણી નાની-નાની ક્ષણો છે. સાથે જ બિહાઇન્ડ ધ સીન પણ છે. વીડિયો શૅર કરવાની સાથે કૅપ્શનમાં લખ્યું છે કે, ‘અમે એક વાયદો કર્યો હતો` `ફિર મિલેંગે`, આ એક વાયદો જે અમે પૂર્ણ ન કરી શક્યા. ૨૧ વર્ષ પહેલાં એક યાત્રાની શરૂઆત જેણે ઘણાં જીવન બદલી નાખ્યાં. થોડા માટે ખુશી લાવ્યો, અને કેટલાંકને નારાજ કર્યા. પણ તે તમામને પ્રભાવિત કર્યા જેણે આ જોઇ. જેણે આ માટે કામ કર્યું છે. યાદો માટે આપનો આભાર’.
સિરિયલમાં સવિતા મનસુખ વિરાણીની ભૂમિકા ભજવનાર ગુજરાતી અભિનેત્રી અપરા મહેતાએ પણ સિરિયલના ૨૧ વર્ષ પુર્ણ થતા ભાવુક પોસ્ટ કરી છે.
એટલું જ નહીં અભિનેત્રીએ ત્યારની અને અત્યારની તસવીરનું એક કોલાજ બનાવીને પણ પોસ્ટ કર્યું છે.
`ક્યોકિં સાંસ ભી કભી બહુ થી` વર્ષ ૨૦૦૦થી વર્ષ ૨૦૦૮ દરમિયાન સ્ટાર પ્લસ પર પ્રાઈમ ટાઈમમાં આવતી સૌથી લોકપ્રિય સિરિયલ હતી. સિરિયલના ૧,૮૩૩ એપિસોડ ટેલિકાસ્ટ થયા હતા. એકતા કપૂરના બેનર બાલાજી ટૅલિફિલ્મસ હેઠળ બનાવવામાં આવેલી આ સિરિયલમાં એક સહકુટુંબ અને તેમની આદર્શ વહુની વાત હતી.