03 January, 2023 03:05 PM IST | Los Angeles | Gujarati Mid-day Correspondent
જેરેમી રનર
‘અવેન્જર્સ’ સિરીઝમાં હૉકાઇનું પાત્ર ભજવતા જેરેમી રનરની હાલત ખરાબ થતાં તેને હૉસ્પિટલમાં ઍરલિફ્ટ કરવામાં આવ્યો છે. જોકે હવે તેની હાલત સ્ટેબલ છે. નૉર્ધર્ન નેવાડાના રેનોમાં જેરેમીનું ઘર આવેલું છે. તે ત્યાં ન્યુ યર સેલિબ્રેટ કરવા માટે ગયો હતો. જોકે ન્યુ યર ઈવના દિવસે વિન્ટર સ્ટૉર્મ આવ્યું હતું અને લગભગ ૩૫,૦૦૦ ઘરની વીજળી જતી રહી હતી. અતિશય સ્નો હોવાથી ઘરની બહાર નીકળવું પણ મુશ્કેલ બની ગયું હતું. કાર પાર્ક કરી હોય તો એના પર બે-ત્રણ ફુટનો બરફ જામી ગયો હતો. આથી ઘણો બરફ હોવાથી તે જ્યારે બરફને દૂર કરી રહ્યો હતો ત્યારે ઠંડી લાગી જતાં તેની હાલત કફોડી બની ગઈ હતી. તેને સીધો હૉસ્પિટલમાં ઍરલિફ્ટ કરવામાં આવ્યો હતો. તેની હેલ્થ ક્રિટિકલ છે, પરંતુ સ્ટેબલ છે.