22 February, 2020 02:18 PM IST | Mumbai Desk | Shilpa Bhanushali
પ્રસિદ્ધ નવલકથાકાર ધ્રુવ ભટ્ટની નવલકથા તત્વમસી પરથી બનેલી નેશનલ અવૉર્ડ વિનર ફિલ્મ રેવાની હિન્દીમાં રૂપાંતરિત ફિલ્મનું સ્ક્રીનિંગ આજે સાંજે 7.45 વાગ્યે અમદાવાદમાં થવાની છે. આ ફિલ્મનું સ્ક્રીનિંગ ચિત્રભારતી દ્વારા યોજાયેલ એક શૉર્ટ ફિલ્મ ફેસ્ટિવલમાં થવા જઈ રહ્યું છે.
ફિલ્મનું સ્ક્રીનિંગ હિન્દીમાં થતું હોવાથી ફિલ્મ શું હવે હિન્દીમાં રિલીઝ થવાની છે? તે વિશે ગુજરાતી મિડડે ડૉટ કૉમે જ્યારે ફિલ્મના પ્રૉડ્યુસર પરેશ વોરા સાથે વાત કરી ત્યારે તેમણે જણાવ્યું કે, "કદાચ આ ફિલ્મનું હિન્દીમાં રિમેક થઈ શકે છે અથવા તે હિન્દીમાં ડબ વર્ઝન પણ રિલીઝ કરી શકે છે."
તો જણાવવાનું કે રેવાના ચાહકો માટે એક સારા સમાચાર તો છે જ કે મોડાં વહેલા તેમને આ ફિલ્મ હિન્દીમાં જોવા મળી શકશે ખરી...
આ પણ વાંચો : Monal Gajjar: જાણો નેશનલ અવૉર્ડ વિજેતા ફિલ્મ રેવાની 'સુપ્રિયા'ને..
આજે રેવાના જે હિન્દી વર્ઝનનું સ્ક્રીનિંગ થવાનું છે તેમાં ફિલ્મના મૂળ કલાકારોના અવાજમાં જ હિન્દી ડબિંગ કરવામાં આવ્યું છે આ ડબિંગ જ્યારે ગુજરાતી ફિલ્મ બની રહી હતી તેની સાથે સાથે જ કરાયું હતું.