રણદીપ હૂડાએ પત્ની સાથે ૫૦૦થી વધુ વૃક્ષો વાવ્યાં

રણદીપ હૂડા અને તેની પત્ની લિન લૈશરામે ભેગાં મળીને મધ્ય પ્રદેશના કાન્હા નૅશનલ પાર્ક નજીક ૫૦૦થી વધુ વૃક્ષો વાવ્યાં હતાં.

પાંચમી જૂને વિશ્વ પર્યાવરણ દિનની ઉજવણી થાય છે એ ‌નિમિત્તે રણદીપ હૂડા અને તેની પત્ની લિન લૈશરામે ભેગાં મળીને મધ્ય પ્રદેશના કાન્હા નૅશનલ પાર્ક નજીક ૫૦૦થી વધુ વૃક્ષો વાવ્યાં હતાં. આ કામમાં ગામના લોકોએ પણ ઉત્સાહપૂર્વક ભાગ લીધો હતો. કાન્હા નૅશનલ પાર્ક દેશના સૌથી પ્રખ્યાત જંગલોમાંનો એક છે.

રણદીપ હૂડાની પત્ની લિન લૈશરામ પણ અભિનેત્રી અને બિઝનેસવુમન છે અને તેણે આ વૃક્ષ વાવેતર અભિયાનમાં સંપૂર્ણ સાથ આપ્યો હતો. તેણે કહ્યું કે મને આનંદ છે કે આ ઇકોસિસ્ટમની રક્ષા માટે કંઈક કરવાનો મોકો મળ્યો.

રણદીપ પોતે એક વાઇલ્ડલાઇફ ફોટોગ્રાફર પણ છે અને તેને જંગલો અને પ્રાણીઓ સાથે ગાઢ લગાવ છે. રણદીપ અને લિનનો આ પ્રયાસ માત્ર વૃક્ષવાવેતર સુધી સીમિત નહોતો, તેમણે લોકોને પર્યાવરણ સંરક્ષણ માટે જાગ્રત પણ કર્યા હતા. તેમનું આ પગલું ઘણા લોકોને સુરક્ષિત ભવિષ્ય તરફ વિચારવા માટે પ્રેરણા આપી રહ્યું છે.