24 June, 2022 02:41 PM IST | Mumbai | Gujarati Mid-day Correspondent
તાપસી પન્નુ
તાપસી પન્નુનું કહેવું છે કે તે જ્યારે સ્પોર્ટ્સ સ્ટારની આસપાસ હોય તો તે ખૂબ પ્રભાવિત થાય છે. તે ભારતીય મહિલા ક્રિકેટર મિતાલી રાજના જીવન પર આધારિત ફિલ્મ ‘શાબાશ મિઠુ’માં જોવા મળવાની છે. આ ફિલ્મ ૧૫ જુલાઈએ રિલીઝ થવાની છે. સ્પોર્ટ્સ પ્રતિ પોતાના પ્રેમને લઈને તાપસીએ કહ્યું કે ‘હું સ્પોર્ટ્સ સ્ટાર્સને જોઈને આકર્ષિત થઈ જાઉં છું. હું કૉલેજમાં આવી ત્યાં સુધી મેં મોટા ભાગે ફિલ્મો નહોતી જોઈ, પરંતુ બાળપણથી સ્પોર્ટ્સનું અનુકરણ કરતી આવી છું. એથી હું જ્યારે પણ સ્પોર્ટ્સ સ્ટાર્સને જોઉં છું તો તેમના પ્રત્યે મને ખૂબ આદર જન્મે છે. હું જ્યારે પણ સ્પોર્ટ્સ સ્ટાર્સની આસપાસ હોઉં તો હંમેશાં એક વાતની ખાતરી રાખું છું કે હું કોઈ વાતનું ઉલ્લંઘન ન કરું અને મારા બિન્દાસ સ્વભાવથી બચું.’