23 May, 2021 12:15 PM IST | Mumbai | Gujarati Mid-day Correspondent
વિવેક ઑબેરૉય
મણિ રત્નમની ફિલ્મ ‘યુવા’ના શૂટિંગ દરમ્યાન વિવેક ઑબેરૉયનો પગ તૂટ્યો હતો. એ ફિલ્મને ગઈ કાલે ૧૭ વર્ષ થયાં હતાં જેમાં અભિષેક બચ્ચન, અજય દેવગન, રાની મુખરજી, કરીના કપૂર ખાન, ઈશા દેઓલ, ઓમ પુરી અને સોનુ સૂદે કામ કર્યું હતું. આ ફિલ્મના શૂટિંગને યાદ કરતાં વિવેકે કહ્યું હતું, ‘મિષ્ટી જે જગ્યાની ફેમસ છે એ જગ્યાએ એટલે કે કલકત્તાના ફેમસ બ્રિજની નીચે ૧૭ વર્ષ પહેલાં મારો પગ તૂટ્યો હતો. ક્રિટિકલ કૅરમાં સર્જરી માટે મને ઍરલિફ્ટ કરવામાં આવ્યો હતો અને મને એ ફિલ્મનાં ક્રિટિક્સ દ્વારા ખૂબ વખાણ કરવામાં આવ્યાં હતાં. ખૂબ જ ક્રેઝી મુસાફરી હતી. આ માટે મને મળેલા અવૉર્ડને હું આજે પણ જોઈને યાદોને તાજી કરું છું. અજય, અભિષેક અને મેં શૂટિંગ દરમ્યાન ખૂબ મસ્તી કરી હતી.’