પરંપરાગત વસ્ત્રોમાં લાલબાગચા રાજાના દરબારમાં પહોંચ્યાં સની લીઓની અને ડૅનિયલ વેબર

સની લીઓની અને તેના પતિ ડૅનિયલ વેબરે લાલબાગચા રાજાના દર્શન કરી બાપ્પાના આશીર્વાદ લીધા હતા. સની પરંપરાગત સલવાર-સૂટ અને માથે દુપટ્ટા સાથે જોવા મળી હતી, જ્યારે ડૅનિયલે કુરતો પહેર્યો હતો અને બન્નેએ એકબીજાને તિલક કર્યું હતું.

સની લીઓની અને ડૅનિયલ વેબર

ગઈ કાલે લાલબાગચા રાજાના દરબારમાં ઍક્ટ્રેસ સની લીઓની, તેનો પતિ ડૅનિયલ બાપ્પાના આશીર્વાદ લેવા પહોંચ્યાં હતાં. દર્શન માટે સનીએ સંપૂર્ણ ભારતીય પરંપરાગત સલવાર-સૂટ પહેરવાનું પસંદ કર્યું હતું અને તેણે ભક્તિભાવ વ્યક્ત કરવા માટે માથે દુપટ્ટો ઓઢ્યો હતો, જ્યારે ડૅનિયલ વેબરે પરંપરાગત કુરતો પહેર્યો હતો. 
પંડાલમાંથી સામે આવેલા એક વિડિયોમાં દર્શન માટે લાઇનમાં ઊભા રહેવા દરમ્યાન સની અને ડૅનિયલ એકબીજાના કપાળ પર પરંપરાગત તિલક લગાવતાં જોવા મળે છે.