13 March, 2026 02:42 PM IST | Mumbai | Gujarati Mid-day Correspondent
ધ ગ્રેટ ઇન્ડિયન કપિલ શોની ફિનાલેમાં સુનીલ ગ્રોવરે કાદર ખાનની કરી જબરી મિમિક્રી
નેટફ્લિક્સ પર આવતા ‘ધ ગ્રેટ ઇન્ડિયન કપિલ શો’ની સીઝન 4નું ફિનાલે ૧૪ માર્ચે રાતે ૮ વાગ્યે સ્ટ્રીમ થશે. તાજેતરમાં શોનો પ્રોમો રિલીઝ થયો છે જેમાં વરુણ અને તેમના પિતા તથા જાણીતા ફિલ્મમેકર ડેવિડ ધવન ખાસ મહેમાન તરીકે જોવા મળશે. આ પ્રોમોમાં કૉમેડિયન અને ઍક્ટર સુનીલ ગ્રોવરે અભિનેતા કાદર ખાનની શાનદાર મિમિક્રી કરીને સૌથી વધુ ધ્યાન ખેંચ્યું છે.
પ્રોમોમાં સુનીલ ગ્રોવર એક તબક્કે કાદર ખાનના અંદાજમાં સ્ટેજ પર એન્ટ્રી કરે છે. આ સમયે તેનો અવાજ, બૉડી-લૅન્ગ્વેજ અને એક્સપ્રેશન એટલાં સચોટ હતાં કે ત્યાં હાજર દરેક વ્યક્તિ ચકિત થઈ ગઈ. ડેવિડ ધવન પણ તેનો પર્ફોર્મન્સ જોઈને ભાવુક થઈ ગયા અને કહ્યું, ‘કાદર યાદ આવી ગયો ભાઈ.’
