30 November, 2021 01:16 PM IST | Mumbai | Gujarati Mid-day Correspondent
એ. આર. રહમાન
એ. આર. રહમાનને સંગીત અને ફિલ્મોમાં આપેલા યોગદાન બદલ કૈરો ઇન્ટરનૅશનલ ફિલ્મ ફેસ્ટિવલમાં સન્માનિત કરવામાં આવ્યા છે. એ. આર. રહમાને તામિલ, તેલુગુ, મલયાલમ, હિન્દી અને હૉલીવુડની ફિલ્મોમાં પણ મ્યુઝિક આપ્યું છે. કૈરો ઇન્ટરનૅશનલ ફિલ્મ ફેસ્ટિવલ ૨૬ નવેમ્બરથી ૫ ડિસેમ્બર સુધી ચાલશે. રહમાનને ૬ નૅશનલ અવૉર્ડ્સ, બે ઍકૅડેમી અવૉર્ડ્સ, બે ગ્રેમી અવૉર્ડ્સ, એક ગોલ્ડન ગ્લોબ અને એક BAFTA અવૉર્ડથી સન્માનિત કરવામાં આવ્યા છે. ૨૦૧૦માં
ભારત સરકારે તેમને પદ્મભૂષણથી નવાજ્યા હતા. સંગીતની સાથે જ રહમાને મ્યુઝિકલ-ડ્રામા ‘99 સૉન્ગ્સ’ને પ્રોડ્યુસ કરી હતી. આ ફિલ્મ આ વર્ષે ૧૬ એપ્રિલે રિલીઝ થઈ હતી. ફેસ્ટિવલ અને પોતાને મળેલા સર્ટિફિકેટનો ફોટો ઇન્સ્ટાગ્રામ પર શૅર કરીને એ. આર. રહમાને કૅપ્શન આપી હતી કે થૅન્ક યુ કૈરો ઇન્ટરનૅશનલ ફિલ્મ ફેસ્ટિવલ.