02 July, 2022 02:59 PM IST | Mumbai | Gujarati Mid-day Correspondent
તાપસી પન્નુ
‘શાબાશ મિઠુ’ના ડિરેક્ટર શ્રીજિત મુખરજીએ તાપસી પન્નુની પ્રશંસા કરતાં જણાવ્યું હતું કે તે દરેક સીન પર ઊંડાણપૂર્વક ચર્ચા કરતી હતી. ૧૫ જુલાઈએ રિલીઝ થનારી આ ફિલ્મનું ટ્રેલર હાલમાં જ રિલીઝ કરવામાં આવ્યું છે. આ ફિલ્મ ભૂતપૂર્વ ભારતીય ક્રિકેટર અને સ્કિપર મિતાલી રાજની કરીઅર અને તેના જીવનમાં આવેલા પડકાર પર પ્રકાશ પાડશે. તેના કામની પ્રશંસા કરતાં શ્રીજિત મુખરજીએ કહ્યું કે ‘તાપસી સાથે કામ કરવાની ખૂબ મજા આવી. તે મહેનતુ અને ઇન્ટેલિજન્ટ છે. તાપસી કામમાં ઓતપ્રોત થઈ જતી હતી. તે દરેક સીનની ખૂબ ચર્ચા કરતી હતી. તે સીનને સારો દેખાડવા માટે એમાં ઇમ્પ્રોવાઇઝ કરતી અને જરૂર હોય ત્યાં એ સલાહ પણ આપતી હતી. તેની સાથે કામમાં ધમાલ મચી ગઈ હતી. મને લાગે છે કે તે આજની તારીખમાં ખૂબ જોશથી ભરપૂર ઍક્ટ્રેસ છે. તેની સાથે કામ કરવું ગમ્યું હતું. તાપસી કુદરતી રીતે ઍથ્લીટ હોવાથી આ રોલ ભજવવામાં તેને મદદ મળી હતી. તેણે મિતાલીના ઇમોશનલ અને મેન્ટલ હાવભાવને વ્યક્ત કરવા માટે વ્યાપક સ્તરે કામ કર્યું હતું.’