25 January, 2022 08:24 PM IST | Mumbai | Gujarati Mid-day Online Correspondent
તસવીર સૌજન્ય: સત્તાવાર ઇન્સ્ટાગ્રામ એકાઉન્ટ/કેટરિના કૈફ
કેટરિના કૈફ અને વિકી કૌશલના લગ્ન ચર્ચામાં હતા અને તેનું કારણ એ હતું કે લગ્નમાં બહુ ઓછા લોકોને આમંત્રણ આપવામાં આવ્યું હતું. લગ્ન બાદ હવે કેટરીના કૈફ કામ પર પરત ફરી છે. હાલમાં તે એક બ્રાન્ડ સાથે ફોટોશૂટ કરાવી રહી છે. તે સતત આ શૂટની તસવીરો સોશિયલ મીડિયા પર શેર કરી રહી છે. હાલમાં જ તેણે એક તસવીર શેર કરી છે, જેને જોઈને ફેન્સ તેના દિવાના થઈ ગયા છે.
કેટરીના કૈફે આ તસવીરો ઈન્સ્ટાગ્રામ પર શેર કરી છે. આ તસવીરોમાં તેણે બ્લુ કલરની બિકીની પહેરી છે. ઉપરાંત, તેણે બિકીની ઉપર પારદર્શક શર્ટ પહેર્યું છે. કેટરીનાની આ તસવીરો આવ્યા બાદ જાણે ઈન્ટરનેટ પર ભૂકંપ આવી ગયો છે. આ તસવીરો પર લોકો ખૂબ લાઈક અને કોમેન્ટ કરી રહ્યા છે. આ તસવીરો શૅર કરતી વખતે કૅટે કૅપ્શન લખ્યું છે `સિઝનનો દિવસ`.
કેટરિના કૈફની આ તસવીરોને 1 લાખ 38 હજારથી વધુ લાઈક્સ મળી છે અને તેના ફેન્સ ઘણી કોમેન્ટ કરી રહ્યા છે. કોમેન્ટ કરતી વખતે એક પ્રશંસકે લખ્યું કે “ઓફ્ફ પાયમાલ” જ્યારે અન્ય એક ફેને લખ્યું કે “માય ગોડ ટુ હોટ ઇન વિન્ટર”.
આ ઉપરાંત અભિનેત્રીનો અગાઉ હનીમૂન સમયનો પણ એક વિડિયો ઝડપથી વાયરલ થયો હતો.
તમને જણાવી દઈએ કે થોડા દિવસો પહેલા કેટરીના કૈફ વિકી કૌશલને મળવા ઈન્દોર ગઈ હતી. વિકીનું શૂટિંગ ઈન્દોરમાં ચાલી રહ્યું છે. બંને કપલે પોતાની પહેલી લોહરી ઈન્દોરમાં જ સેલિબ્રેટ કરી હતી. જાણી લો કે કેટ અને વિકીએ 9 ડિસેમ્બરે રાજસ્થાનના સવાઈ માધોપુરમાં લગ્ન કર્યા હતા. આ લગ્નમાં માત્ર પસંદગીના લોકોએ જ હાજરી આપી હતી. વર્ક ફ્રન્ટની વાત કરીએ તો કેટરીના કૈફ સલમાન ખાન અને ઈમરાન હાશ્મી સાથે ટાઇગર 3માં જોવા મળશે.