09 December, 2019 11:02 AM IST | Mumbai
આલિયા અને રણબીર
રણબીર કપૂરે એક ખુલાસો કરતાં જણાવ્યું હતું કે સંજય લીલા ભણસાલી અગિયાર વર્ષની આલિયા ભટ્ટની સાથે તેને ‘બાલિકા વધૂ’માં લેવા માગતા હતા. એ વખતે આલિયા અગિયાર વર્ષની અને રણબીર વીસ વર્ષનો હતો. એટલું જ નહીં, બન્નેએ આ ફિલ્મ માટે સાથે ફોટોશૂટ પણ કર્યું હતું. આલિયા પહેલી વાર રણબીરને મળી હતી. એ ફોટોશૂટમાં તેણે રણબીરના ખભા પર માથું રાખવાનું હતું એથી આલિયાને શરમ તો આવતી હતી જ પણ સાથે જ તે થોડી નર્વસ પણ હતી. જોકે બાદમાં સંજય લીલા ભણસાલીએ આ ફિલ્મને બનાવવાનો વિચાર જ પડતો મૂક્યો હતો. હવે ઘણાં વર્ષો બાદ અયાન મુખરજીની ‘બ્રહ્માસ્ત્ર’માં રણબીર અને આલિયા એકસાથે જોવા મળવાનાં છે.