પત્ની માન્યતા દત્તની ૪૮મી વર્ષગાંઠે સંજય દત્તે વરસાવ્યો પ્રેમ

માન્યતા દત્તના 48મા જન્મદિવસે સંજય દત્તે સોશિયલ મીડિયા પર પ્રેમભરી પોસ્ટ શેર કરી. પત્નીને શ્રેષ્ઠ મમ્મી, પત્ની અને મિત્ર ગણાવતા તેમણે ભોલેનાથને તેમના સુખ, સફળતા અને ખુશીઓ માટે પ્રાર્થના પણ કરી.

સંજય દત્ત અને માન્યતા દત્ત

સંજય દત્તની પત્ની માન્યતા દત્તની ગઈ કાલે ૪૮મી વર્ષગાંઠ હતી. આ ખાસ અવસર પર સંજયે સોશ્યલ મીડિયા પર તેના માટે પ્રેમથી ભરેલો એક ખાસ સંદેશ શૅર કર્યો છે. 
સંજયે સોશ્યલ મીડિયા પર પત્ની સાથેની અનેક તસવીરો શૅર કરી છે. આ તસવીરો સાથે સંજયે લખ્યું હતું કે ‘જન્મદિવસની ખૂબ-ખૂબ શુભેચ્છાઓ મારી સૌથી પ્રિય મમા. તું દુનિયાની શ્રેષ્ઠ મમ્મી, પત્ની અને મિત્ર છે. હું તને સૌથી વધુ પ્રેમ કરું છું. મારી જિંદગીનો સૌથી મહત્ત્વનો હિસ્સો બનવા બદલ તારો આભાર. મને બે સુંદર બાળકોનો પિતા બનાવવા બદલ પણ તારો દિલથી આભાર. હું ભોલેનાથને પ્રાર્થના કરું છું કે આ વર્ષથી તારા જીવનમાં માત્ર સફળતા અને ખુશીઓ જ આવે. તું હંમેશાં આવી જ રીતે આગળ વધતી રહે. લવ યુ મૉમ... હૅપી બર્થ-ડે... જય ભોલેનાથ.’