13 May, 2022 01:32 PM IST | Mumbai | Gujarati Mid-day Correspondent
સંજય દત્ત
સંજય દત્તે લોકોને જીવનનો એક ખાસ મંત્ર આપતાં જણાવ્યું છે કે તમે જ્યાં સુધી જીતશો નહીં ત્યાં સુધી તમારી સ્ટોરીમાં કોઈ રસ નહીં લે. કન્નડ સ્ટાર યશ સાથેની તેની ‘KGF : ચૅપ્ટર 2’ બૉક્સ-ઑફિસ પર ધમાલ મચાવી રહી છે. સંજય દત્તે કૅન્સરને મહાત આપીને ફરીથી ફિલ્મોમાં સક્રિય ભૂમિકા ભજવવાનું શરૂ કરી દીધું છે. તેની આગામી ફિલ્મોની વાત કરીએ તો તે ‘શમશેરા’, ‘ઘુડચઢી’ અને ‘પૃથ્વીરાજ’માં દેખાવાનો છે. તેણે હાલમાં જ વર્કઆઉટ કરતો ફોટો શૅર કર્યો છે. એ ફોટોમાં તે ભારે ચેઇન્સને ખેંચી રહ્યો છે. એ ફોટોને ઇન્સ્ટાગ્રામ પર શૅર કરીને સંજય દત્તે કૅપ્શન આપી હતી, ‘તમે જ્યાં સુધી જીતશો નહીં ત્યાં સુધી લોકોને તમારી સ્ટોરી જાણવામાં કોઈ રસ નહીં હોય. એથી જીતતા રહો.’