૨૫ હજાર મજૂરોને ૧૫૦૦ રૂપિયા આપશે સલમાન

સાથે જ ૩૫ હજાર વરિષ્ઠ નાગરિક કાર્યકર્તાઓનું એક લિસ્ટ યશરાજ ફિલ્મ્સને પણ મોકલ્યું છે. તેઓ પણ મદદ માટે રાજી છે. યશરાજ ફિલ્મ્સે પાંચ હજાર રૂપિયા અને મહિનાનું રૅશન આપવા માટે હામી ભરી છે

સલમાન ખાન

સલમાન ખાને કોરોનાથી પીડિત ઇન્ડસ્ટ્રીના ૨૫ હજાર મજૂરોને દોઢ હજાર રૂપિયા આપવાનો ફેંસલો લીધો છે. કોરોનાની બીજી લહેરે લોકોને આર્થિક રૂપે ભાંગી પાડ્યા છે. લોકોની રોજગારી પણ છીનવાઈ ગઈ છે. લૉકડાઉનને કારણે શૂટિંગ બંધ છે. એવામાં ફિલ્મ ઇન્ડસ્ટ્રીના હજારો મજૂરો આજે બેરોજગાર બન્યા છે. આવા જ જરૂરતમંદ લોકોની મદદ કરવા માટે સલમાને ફરી એક વખત હાથ લંબાવ્યો છે. ફેડરેશન ઑફ વેસ્ટર્ન ઇન્ડિયન સિને એમ્પ્લૉઈઝના પ્રેસિડન્ટ બી. એન. તિવારીએ કહ્યું હતું કે ‘મેં સલમાનને આવા લોકોનું લિસ્ટ મોકલ્યું છે અને તેઓ તેમની મદદ કરવા માટે તૈયાર થઈ ગયા છે. તેમણે વચન આપ્યું છે કે તેઓ આ વર્કર્સની મદદ કરશે. સાથે જ ૩૫ હજાર વરિષ્ઠ નાગરિક કાર્યકર્તાઓનું એક લિસ્ટ યશરાજ ફિલ્મ્સને પણ મોકલ્યું છે. તેઓ પણ મદદ માટે રાજી છે. યશરાજ ફિલ્મ્સે પાંચ હજાર રૂપિયા અને મહિનાનું રૅશન આપવા માટે હામી ભરી છે.’