10 May, 2019 10:14 AM IST | મુંબઈ
કિયારા અડવાણી
કિયારા અડવાણી હાલમાં ઘણી ફિલ્મોમાં કામ કરી રહી છે, પરંતુ બૉલીવુડમાં એન્ટ્રી કરતાં પહેલાં સલમાન ખાને તેને નામ બદલવા માટે કહ્યું હતું. આ નામ બદલવાનું કહેવા પાછળનું કારણ આલિયા ભટ્ટ છે. આલિયાએ ૨૦૧૨માં આવેલી ‘સ્ટુડન્ટ ઑફ ધ યર’ દ્વારા બૉલીવુડમાં એન્ટ્રી કરી હતી, જ્યારે કિયારાએ ૨૦૧૪માં આવેલી અક્ષયકુમારના પ્રોડક્શનની ‘ફગલી’ દ્વારા એન્ટ્રી કરી હતી. આ ફિલ્મમાં સલમાન અને અક્ષયકુમારે એક પ્રમોશનલ ગીત પણ કર્યું હતું. તેનું નામ બદલવા પાછળની સ્ટોરી જણાવતાં એક ચૅટ-શોમાં કિયારાએ કહ્યું હતું કે ‘મારું સાચું નામ આલિયા છે. આલિયા ભટ્ટને કારણે સલમાન ખાને મને મારું નામ બદલવાનું સજેસ્ટ કર્યું હતું. તેમનું માનવું છે કે બૉલીવુડમાં એક જ નામની બે હિરોઇન ન હોવી જોઈએ. તેમણે નામ બદલવાનું સજેસ્ટ કર્યું હતું અને મેં કિયારા રાખ્યું હતું. મારા પેરન્ટ્સ પણ મને હવે કિયારા કહીને બોલાવે છે.’
આ પણ વાંચોઃ પરાણે વહાલી લાગે એટલી ક્યૂટ છે પાર્થિવ ગોહીલની પુત્રી નિર્વી, જુઓ ફોટોઝ