હૃતિકને કારણે સબાની કરીઅરને મળ્યો ધક્કો?

તેણે ૨૦૦૮માં ‘દિલ કબડ્ડી’ દ્વારા ડેબ્યુ કર્યો હતો

સબા આઝાદ

હૃતિક રોશનની ગર્લફ્રેન્ડ સબા આઝાદની ‘​મિનિમમ’નું શૂટિંગ આગામી મહિને શરૂ કરવામાં આવશે. હૃતિક સાથેના રિલેશન બાદ સબા સતત ન્યુઝમાં રહે છે. તેણે ૨૦૦૮માં ‘દિલ કબડ્ડી’ દ્વારા ડેબ્યુ કર્યો હતો. ત્યાર બાદ તેણે ‘મુઝસે ફ્રેન્ડશિપ કરોગે’ અને ‘ફીલ લાઇક ઇશ્ક’માં કામ કર્યું હતું. જોકે તેને વધુ ઓળખ વેબ-સિરીઝ ‘રૉકેટ બૉય્ઝ’ દ્વારા મળી હતી. આ ઓળખ મળવાનું કારણ પણ હૃતિકે ઇન્સ્ટાગ્રામ પર આ શોની કરેલી તારીફ હોઈ શકે છે. બૉલીવુડમાં કામ ટૅલન્ટના આધારે મળે છે એ વાત નક્કી છે, પરંતુ સેલબ્રિટીઝને કારણે લોકો વધુ નોટિસ કરે છે એ પણ માનવું રહ્યું. આથી હૃતિક સાથેના રિલેશનને લઈને સબાની કરીઅરને પણ ધક્કો મળ્યો હોય તો નવાઈ નહીં. સબાની ‘મિનિમમ’માં તેની સાથે ગીતાંજલિ કુલકર્ણી, નમિત દાસ અને રુમાના મોલા પણ જોવા મળશે. આ ઇન્ટરનૅશનલ ડ્રામા દ્વારા રુમાના તેનો ડિરેક્ટોરિયલ ડેબ્યુ પણ કરી રહી છે.