16 January, 2022 02:24 PM IST | Mumbai | Gujarati Mid-day Online Correspondent
તસવીર/એએફપી
ફિલ્મ નિર્માતા રોહિત શેટ્ટી, જેમણે તેમની કોમેડિક મૂવીઝ અને એક્શન થ્રિલર્સથી પ્રેક્ષકોનું મનોરંજન કર્યું છે અને ‘ફિયર ફેક્ટરઃ ખતરોં કે ખિલાડી’ હોસ્ટ પણ કર્યું છે. તેના OTT ડેબ્યૂ સાથે દર્શકોનું મનોરંજન કરવા માટે તૈયાર છે.
શેટ્ટી ‘મિશન ફ્રન્ટલાઈન’ શોમાં જોવા મળશે, જે સરહદો પર તહેનાત સશસ્ત્ર દળોના જીવનમાં ડોકિયું કરે છે. આ શોમાં અગાઉ રાણા દગ્ગુબત્તી અને સારા અલી ખાન જોવા મળી ચૂક્યા છે.
તે સ્પેશિયલ ઓપરેશન ગ્રૂપના સૈનિકના પગરખાંમાં ઉતરશે અને અનુભવ કરશે કે યુનિટ કેવી રીતે રહે છે અને તેઓ જે મુશ્કેલ સ્થાનો પર તહેનાત છે ત્યાં કેવી રીતે ટ્રેન કરે છે. આ શોનું શૂટિંગ શ્રીનગર અને તેની આસપાસના સ્થળો પર કરવામાં આવ્યું છે.
શોના દિગ્દર્શક કુણાલ કોચરે જણાવ્યું હતું કે રોહિત શેટ્ટી એક્શનનો પર્યાય છે. તેથી તેના કરતાં આ કામ માટે બીજું કોઈ લાયક ન હોઈ શકે. “રોહિત શેટ્ટીની ફિલ્મો દેશભક્તિ, હિંમત અને જોમ દર્શાવે છે અને ‘મિશન ફ્રન્ટલાઈન’ માટે તેમનાથી વધુ યોગ્ય કોઈ ન હોઈ શકે નહીં.” કોચરે કહ્યું હતું.
પોતાનો અનુભવ શેર કરતા તેમણે ઉમેર્યું કે “શ્રીનગરના મનોહર ભૂપ્રદેશમાં સ્પેશિયલ યુનિટ સાથે શૂટ કરવાનો તે એકદમ અવાસ્તવિક અનુભવ હતો અને રોહિતની હાજરીએ તેમાં ઘણી ઊર્જા ઉમેરી હતી. રોહિતની સંપૂર્ણપણે અલગ બાજુ જોવા માટે ખૂબ જ ઉત્સાહિત છીએ અને અમે છીએ.”
‘મિશન ફ્રન્ટલાઈન’ 20 જાન્યુઆરીએ ડિસ્કવરી+ પર પ્રીમિયર થશે.