18 April, 2024 06:32 AM IST | Mumbai | Gujarati Mid-day Correspondent
રવીના ટંડન
રવીના ટંડનનું કહેવું છે કે બૉલીવુડમાં હીરોને એક ફિલ્મ માટે જેટલી ફી મળે છે એટલા પૈસા કમાવા માટે તેણે પંદર ફિલ્મો કરવી પડે છે. અરબાઝ ખાન દ્વારા પ્રોડ્યુસ કરવામાં આવેલી ‘પટના શુક્લા’માં તેણે કામ કર્યું છે અને હવે તે અક્ષયકુમાર સાથેની ‘વેલકમ ટુ ધ જંગલ’માં જોવા મળવાની છે. બૉલીવુડમાં પૈસાને લઈને થતા ભેદભાવ વિશે રવીના કહે છે, ‘એ દિવસોમાં પૈસા ખૂબ જ એટલે કે ખૂબ જ ઓછા મળતા હતા. ઍક્ટર અને ઍક્ટ્રેસ વચ્ચે ખૂબ જ મોટો તફાવત છે. હીરોને ખૂબ જ પૈસા મળતા હતા. તેઓ એક ફિલ્મમાં જેટલા કમાય એટલા કમાવા માટે મારે પંદર ફિલ્મો કરવી પડતી હતી. હિરોઇનો ખાસ કરીને હું મારી વાત કરું છું, કારણ કે હું દરેક વિશે બોલી શકું એમ નથી એટલે મારે એટલા પૈસા કમાવા માટે ૧૫-૨૦ ફિલ્મો કરવી પડતી હતી.’