નિક મારા પપ્પાનું પ્રતિબિંબ : પ્રિયંકા

હું દરરોજ સવારે જાગું અને મને લાગે છે કે એવી વ્યક્તિ છે જે પોતાની પહેલાં મારા વિશે વિચારે છે. એ જ વસ્તુ તો જોઈતી હોય છે કે કોઈ તમને આવી રીતે પ્રેમ કરે.’

પ્રિયંકા ચોપરા, નિક જોનાસ

પ્રિયંકા ચોપડા જોનસને લાગે છે કે નિક તેના પિતાની છબી છે. તેને તેના પિતા ડૉક્ટર અશોક ચોપડા અને નિક જોનસના સ્વભાવમાં સમાનતા દેખાય છે. ગઈ કાલે પ્રિયંકાનો બર્થ-ડે હતો. તેને દેશ-વિદેશથી ભરપૂર શુભેચ્છાઓ આપવામાં આવી હતી. પ્રિયંકા અને નિકે ૨૦૧૮માં લગ્ન કર્યાં હતાં. પિતા અને હસબન્ડના સ્વભાવની વાત કરતાં પ્રિયંકાએ કહ્યું હતું કે ‘હું જેટલું તેને જાણતી જાઉં છું, હા મને લાગે છે કે મેં એવા વ્યક્તિ સાથે લગ્ન કર્યાં છે જે મારા પિતાની છબી છે. ન માત્ર મ્યુઝિક; તેઓ બન્ને સ્થિર, સૉલિડ અને વિશ્વસનીય છે. નિક સૌથી વિચારશીલ વ્યક્તિ છે. તે કોઈ પણ બાબતમાં સૌથી પહેલાં મારો વિચાર કરે છે. હું દરરોજ સવારે જાગું અને મને લાગે છે કે એવી વ્યક્તિ છે જે પોતાની પહેલાં મારા વિશે વિચારે છે. એ જ વસ્તુ તો જોઈતી હોય છે કે કોઈ તમને આવી રીતે પ્રેમ કરે.’