અમિતાભ બચ્ચનની પત્ની બનશે નીના ગુપ્તા

મારું પાત્ર ખૂબ જ સારી રીતે લખવામાં આવ્યું છે અને ઉપરથી મિસ્ટર બચ્ચન સાથે કામ કરવા માટે હું ખૂબ જ ઉત્સાહી થઈ રહી છું. મારા માટે આ એક સપનું પૂરું થવા જેવું છે.’

નીના ગુપ્તા

નીના ગુપ્તા હવે ‘ગુડબાય’માં અમિતાભ બચ્ચનની પત્નીના રોલમાં જોવા મળશે. આ ફિલ્મમાં તેમની સાથે સાઉથની ઍક્ટ્રેસ રશ્મિકા મંદાના પણ છે. આ ફિલ્મને ‘સુપર 30’ના ડિરેક્ટર વિકાસ બહલ દ્વારા ડિરેક્ટ કરવામાં આવી રહી છે. એકતા કપૂર અને રિલાયન્સ એન્ટરટેઇનમેન્ટ દ્વારા પ્રોડ્યુસ કરવામાં આવી રહેલી આ ફિલ્મમાં અમિતાભ બચ્ચન અને નીના ગુપ્તા પહેલી વાર સાથે કામ કરશે. તેમ જ રશ્મિકા પણ આ તમામ ઍક્ટર્સ સાથે પહેલી વાર કામ કરવા જઈ રહી છે. આ વિશે નીના ગુપ્તાએ કહ્યું હતું કે ‘વિકાસે જ્યારે મને સ્ક્રિપ્ટ નરેટ કરી હતી ત્યારે હું ખૂબ જ ખુશ થઈ ગઈ હતી. સ્ક્રિપ્ટ જ્યારે સારી હોય ત્યારે કોઈ પણ વ્યક્તિ બીજું કઈ નથી વિચારતી. મારું પાત્ર ખૂબ જ સારી રીતે લખવામાં આવ્યું છે અને ઉપરથી મિસ્ટર બચ્ચન સાથે કામ કરવા માટે હું ખૂબ જ ઉત્સાહી થઈ રહી છું. મારા માટે આ એક સપનું પૂરું થવા જેવું છે.’