06 December, 2022 03:39 PM IST | Mumbai | Gujarati Mid-day Correspondent
અરહાન અને મલાઇકા અરોરા
મલાઇકા અરોરાએ જણાવ્યું છે કે તેના દીકરા અરહાને તેને ખૂબ સાથ આપ્યો છે. આ વાત તેણે તેના શો ‘મૂવિંગ ઇન વિથ મલાઇકા’માં કહી છે. આ શોમાં તેની કોરિયોગ્રાફર ફ્રેન્ડ ફારાહ ખાન કુંદર હાજર રહી હતી. બન્ને વચ્ચે ભૂતકાળ, વર્તમાન અને અન્ય વિષયો પર ચર્ચા થઈ હતી. આ શો ડિઝની+હૉટસ્ટાર પર દેખાડવામાં આવી રહ્યો છે. શોમાં ફારાહ પૂછે છે કે તેના દરેક નિર્ણય પર તેનો દીકરો અરહાન કઈ રીતે સહમત થયો હતો? એનો જવાબ આપતાં મલાઇકાએ કહ્યું કે ‘ફારાહ, તેણે સૌથી વધુ મને સપોર્ટ કર્યો છે. તેણે કહ્યું કે મૉમ, આગળ વધ. મને એવું લાગ્યું કે મેં અડધો જંગ જીતી લીધો છે. તે બાળક છે. મને એવું લાગે છે કે મારે એવું કરવું જોઈએ જેનાથી તેને ગર્વ થાય. હું જે કાંઈ પણ કરું છું એનાથી તે કમ્ફર્ટેબલ છે.’