મરાઠી અભીનેત્રી ઈશ્વરી દેશપાંડેનું રોડ અક્સ્માતમાં મૃત્યુ

હિન્દી અને મરાઠી નાટકોમાં કામ કરી ચુકેલી 25 વર્ષીય મરાઠી અભિનેત્રી ઈશ્વરી દેશપાંડેનું 21 સપ્ટેમ્બરે ગોવામાં માર્ગ અકસ્માતમાં મૃત્યુ થયું હતું.

પ્રતીકાત્મક તસવીર

હિન્દી અને મરાઠી નાટકોમાં કામ કરી ચુકેલી 25 વર્ષીય મરાઠી અભિનેત્રી ઈશ્વરી દેશપાંડેનું 21 સપ્ટેમ્બરે ગોવામાં માર્ગ અકસ્માતમાં મૃત્યુ થયું હતું. જણાવવામાં આવી રહ્યું છે કે અભિનેત્રી તેના મિત્ર શુભમ દાડગે સાથે ફરવા ગઈ હતી, અભિનેત્રી સાથે તેના મિત્રએ પણ અકસ્માતમાં જીવ ગુમાવ્યો હતો. અધિકારીઓના જણાવ્યા મુજબ, કાર અકસ્માત બારડેજ તાલુકા નજીક અર્પોરા ખાતે થયો હતો. અંજુના પોલીસ સ્ટેશનના ઈન્સ્પેક્ટર સૂરજ ગવસે ધ ઈન્ડિયન એક્સપ્રેસને જણાવ્યું હતું કે ડ્રાઈવરે કાર પરનો કાબૂ ગુમાવ્યો હોવાથી આ અકસ્માત સર્જાયો હતો.

આ કેસ વિશે વાત કરતા ઈન્સ્પેક્ટર સૂરજ ગવસે જણાવ્યું હતું કે, પ્રાથમિક તપાસમાં જાણવા મળ્યું છે કે ડ્રાઈવરે કાર પરનો કાબૂ ગુમાવ્યો હોવાથી અકસ્માત થયો હતો. કાબૂ ગુમાવ્યા પછી કાર સામેની એક નાની ખાડીમાં પડી હતી. આ બાબતની જાણ સવારે 7 વાગ્યે ફાયર વિભાગને કરવામાં આવી હતી. સ્થળ પર પહોંચીને તેઓએ કાર બહાર કાઢી હતી, જેમાં બે મૃતદેહ પણ મળી આવ્યા.

આ કેસની તપાસ સાથે સંકળાયેલા સબ-ઇન્સ્પેક્ટર અક્ષય પાર્સેકરે જણાવ્યું હતું કે, બંનેએ કાંડા બેન્ડ પહેર્યા હતા, જેના આધારે એવું કહી શકાય કે તેઓ તે રાત્રે ક્લબમાં ગયા હતા. 

ઈન્સ્પેક્ટરે આ બાબતે આગળ કહ્યું હતું કે, બંને મૃતકોના પરિવારજનોનો સંપર્ક કરવામાં આવ્યો છે અને અકસ્માત વિશે જાણ કરવામાં આવી છે. તે ટૂંક સમયમાં પુના પહોંચશે. મીડિયા રિપોર્ટ્સ અનુસાર, ઈશ્વરી દેશપાંડેએ થોડા દિવસો પહેલા પોતાના હિન્દી અને મરાઠી પ્રોજેક્ટ્સનું શૂટિંગ પૂરું કર્યું હતું. આવી સ્થિતિમાં બંને માત્ર 15 સપ્ટેમ્બરે ગોવા આવ્યા હતા અને આવતા મહિને બંનેની સગાઈ પણ થવાની હતી.

ઈશ્વરી દેશપાંડે ટૂંક સમયમાં જ સુનીલ ચૌતમલની ફિલ્મ `પ્રેમકે સાઈડ ઈફેક્ટ્સ` દ્વારા મરાઠી ફિલ્મોમાં પગ મૂકવા જઈ રહી હતી. અભિનેતા અભિનય બેર્ડેએ તેમના મૃત્યુ પર ઇન્સ્ટાગ્રામ પર એક પોસ્ટ શેર કરીને શ્રદ્ધાંજલિ આપી છે.