30 June, 2022 12:07 PM IST | Mumbai | Gujarati Mid-day Correspondent
આ ફોટો ઇન્સ્ટાસ્ટોરી પર શૅર કરીને મનીષે કૅપ્શન આપી હતી, `વિથ ધ બ્યુટીઝ`
આલિયા ભટ્ટ લંડનમાં બૉલીવુડ ફ્રેન્ડ્સ જેવા કે સેલિબ્રિટી ફૅશન ડિઝાઇનર મનીષ મલ્હોત્રા અને કરણ જોહર સાથે મસ્તીના મૂડમાં દેખાઈ હતી. આલિયાએ હાલમાં જ મમ્મી બનવાની ખુશખબરી સોશ્યલ મીડિયામાં આપી હતી. તે લંડનમાં તેના હૉલીવુડ પ્રોજેક્ટમાં બિઝી છે. તેના આ ગુડ ન્યુઝ સાંભળીને તેને દીકરી સમાન માનનાર કરણ જોહર તરત તેને મળવા લંડન ઊપડી ગયો છે. તેની સાથે મનીષ મલ્હોત્રા પણ છે. આલિયાએ વાઇટ આઉટફિટ અને બ્લૅક સનગ્લાસિસ પહેર્યા છે. આ ફોટો ઇન્સ્ટાસ્ટોરી પર શૅર કરીને મનીષ મલ્હોત્રાએ કૅપ્શન આપી હતી, લંડનના સૂર્યમાં આ ફોટો લીધો છે.
આ સિવાય મનીષ મલ્હોત્રાએ કરીના કપૂર ખાન સાથે પણ મુલાકાત કરી હતી. તેની સાથેનો ફોટો પણ ઇન્સ્ટાસ્ટોરી પર શૅર કરીને મનીષ મલ્હોત્રાએ કૅપ્શન આપી હતી, મારી ફેવરિટ સાથે છું.
મનીષ મલ્હોત્રાએ ગૌરી ખાન, ટ્વિન્કલ સાથે પણ સમય પસાર કર્યો હતો. એનો ફોટો ઇન્સ્ટાસ્ટોરી પર શૅર કરીને મનીષે કૅપ્શન આપી હતી, વિથ ધ બ્યુટીઝ.