10 January, 2022 04:29 PM IST | Mumbai | Gujarati Mid-day Online Correspondent
હ્રિતિક રોશન (ફાઇલ તસવીર)
`વિક્રમ વેધા`ના (Vikram Vedha) નિર્માતાઓએ ફિલ્મમાંથી હૃતિક રોશનનો (Hrithik Roshan) ફર્સ્ટ લુક રિલીઝ કર્યો છે. અભિનેતાના જન્મદિવસ પર રિલીઝ થયેલા આ પોસ્ટરમાં રિતિક ડેશિંગ અવતારમાં જોવા મળી રહ્યો છે. બોલિવૂડમાં ગ્રીક ગોડ તરીકે પ્રખ્યાત હૃતિક રોશન સોમવારે 48 વર્ષનો થઈ ગયો. આગામી ફિલ્મ `વિક્રમ વેધા`માં તે `વેધા`ના રોલમાં જોવા મળશે.
નિર્માતાઓએ સોશિયલ મીડિયા પર હૃતિક રોશનનો લુક શેર કર્યો અને લખ્યું, "રિતિક રોશનને જન્મદિવસની ખૂબ ખૂબ શુભેચ્છાઓ! વિક્રમ વેધા તરફથી વેધાનો પહેલો લુક રજૂ કરવા બદલ ખુશી. 30 સપ્ટેમ્બર 2022ના રોજ વિશ્વભરના સિનેમાઘરોમાં. દસ્તક."
હૃતિક તેના ઓફિશિયલ ઈન્સ્ટાગ્રામ એકાઉન્ટ પર પણ આ પોસ્ટ શેર કરી છે.
એક અહેવાલ મુજબ, ફિલ્મનું નિર્દેશન લેખક-દિગ્દર્શક પુષ્કર અને ગાયત્રી દ્વારા કરવામાં આવ્યું છે. મૂળ ફિલ્મમાં આર. માધવન અને વિજય સેતુપતિએ અભિનય કર્યો છે. ભારતીય લોકકથા `વિક્રમ ઔર બેતાલ` પર આધારિત આ ફિલ્મ એક્શન થ્રિલર હતી. જેમાં એક ખડતલ પોલીસ અધિકારીની વાર્તા છે.
માર્ચ 2018 માં, દિગ્દર્શક જોડી પુષ્કર-ગાયત્રીએ જાહેરાત કરી કે તેઓ તમિલ ફિલ્મની હિન્દી રિમેકનું નિર્દેશન કરશે. એક વર્ષ પછી, ઓગસ્ટ 2019 માં, એ વાતની પુષ્ટિ થઈ કે સૈફ અલી ખાન પણ હૃતિક રોશન સિવાય આ ફિલ્મનો ભાગ હશે.