23 May, 2022 02:14 PM IST | Mumbai | Gujarati Mid-day Correspondent
કાર્તિક આર્યન
કાર્તિક આર્યને ‘ભૂલભુલૈયા 2’માં તેના તાંડવ ડાન્સના પર્ફોર્મન્સ માટે એક અઠવાડિયાની સતત ટ્રેઇનિંગ લીધી હતી. શુક્રવારે રિલીઝ થયેલી આ ફિલ્મમાં કાર્તિકની સાથે કિયારા અડવાણી, તબુ અને રાજપાલ યાદવ પણ લીડ રોલમાં દેખાઈ રહ્યાં છે. આ ફિલ્મ લોકોને ખૂબ પસંદ પડી રહી છે. ફિલ્મમાં કાર્તિકે જે તાંડવ નૃત્ય કર્યું છે એ પણ લોકોને ખૂબ પસંદ આવી રહ્યું છે. લોકો તેની ડાન્સિંગ ટૅલન્ટથી તો જાણીતા છે જ પરંતુ તાંડવ કરીને તેણે તેની પ્રતિભાની નવી સાઇડ પણ લોકોને દેખાડી છે. આ તાંડવ માટે તેણે સતત એક અઠવાડિયા માટે ટ્રેઇનિંગ લીધી હતી. તે કોઈ કચાશ નહોતો છોડવા માગતો, આ જ કારણ છે કે તેણે ગુરુ ચિન્ની પ્રકાશ પાસેથી તાંડવની ટ્રેઇનિંગ લીધી હતી. કાર્તિકે તાંડવ કરીને લોકોને ખૂબ પ્રભાવિત કર્યા છે.