નૅશનલ અવૉર્ડ જીત્યા બાદ કાર્તિક આર્યને મમ્મી-પપ્પા સાથે કર્યા બાબા મહાકાલનાં દર્શન

`ચંદુ ચૅમ્પિયન` માટે શ્રેષ્ઠ અભિનેતાનો પ્રથમ નૅશનલ અવૉર્ડ જીત્યા બાદ કાર્તિક આર્યન માતા-પિતા સાથે ઉજ્જૈનના મહાકાલેશ્વર મંદિરમાં દર્શન કરવા પહોંચ્યો. મહાકાલના આશીર્વાદ લઈને તેણે પૂજા-અર્ચના અને ધાર્મિક વિધિઓમાં ભાગ લીધો.

કાર્તિક આર્યન

હાલમાં પોતાની કરીઅરનો પહેલો શ્રેષ્ઠ અભિનેતાનો નૅશનલ અવૉર્ડ જીત્યા બાદ કાર્તિક આર્યન પોતાના માતા-પિતા સાથે ઉજ્જૈનના મહાકાલેશ્વર મંદિરમાં દર્શન કરવા પહોંચ્યો હતો. કાર્તિક આર્યનને ૨૦૨૪માં આવેલી ફિલ્મ ‘ચંદુ ચૅમ્પિયન’માં તેના અભિનય માટે આ સન્માન મળ્યું છે. આ કૅટેગરીમાં કાર્તિક આર્યને મલયાલમ સુપરસ્ટાર મમૂટી સાથે સંયુક્ત રીતે અવૉર્ડ જીત્યો છે. 
આ રાષ્ટ્રીય સન્માન બાદ ૩૫ વર્ષના કાર્તિક આર્યને મહાકાલના આશીર્વાદ લીધા હતા અને મહાકાલેશ્વર મંદિરમાં પૂજા-અર્ચના કરીને માતા-પિતા સાથે વિવિધ ધાર્મિક વિધિઓમાં પણ ભાગ લીધો હતો. તેમના મંદિરદર્શનના અનેક વિડિયો સોશ્યલ મીડિયા પર વાઇરલ થઈ રહ્યા છે. કાર્તિક આર્યને આ મંદિરની મુલાકાતની તસવીર સોશ્યલ મીડિયા પર પણ શૅર કરી હતી.