સારા સાથેના બે ફોટો વાઇરલ થતાં આશ્ચર્ય થયું કાર્તિકને

આ ફોટો ઉદયપુરનો હોવાનું કહેવાતું હતું. તેમને સાથે જોઈને તેમના ફૅન્સ પણ ખુશ થઈ ઊઠ્યા હતા

સારા અલી ખાન

કાર્તિક આર્યનને એ વાતનું આશ્ચર્ય થયું છે કે સારા અલી ખાન સાથેના માત્ર બે ફોટો જ કેમ વાઇરલ થયા. તાજેતરમાં જ સોશ્યલ મીડિયામાં બન્નેના બે ફોટો વાઇરલ થયા હતા. એમાં બન્ને વાતો કરવામાં તલ્લીન હતાં. આ ફોટો ઉદયપુરનો હોવાનું કહેવાતું હતું. તેમને સાથે જોઈને તેમના ફૅન્સ પણ ખુશ થઈ ઊઠ્યા હતા અને તેઓ એવી શક્યતા વ્યક્ત કરતા હતા કે કદાચ આ બન્ને એકસાથે કામ કરવાના છે. થોડાં વર્ષો પહેલાં બન્નેના અફેરની પણ ચર્ચા હતી. આ ફોટો જોઈને ફૅન્સને તો એવું પણ લાગ્યું કે આ બન્ને કદાચ ફરીથી રિલેશનમાં છે. જોકે બે જ ફોટો વાઇરલ થવા પર કાર્તિકે કહ્યું કે ‘અમે એક જ સ્થળે ભેગા થયા હતા. પછી શું, કોઈએ ત્યાં ફોટો ક્લિક કરી લીધો. ત્યાં અનેક લોકો હાજર હતા જે અમારા ફોટો લઈ રહ્યા હતા. મને એ વાતનું આશ્ચર્ય છે કે માત્ર એકાદ-બે ફોટો જ વાઇરલ થયા.’ શું બન્ને સાથે કામ કરવાનાં છે એવો સવાલ પૂછવામાં આવતાં કાર્તિકે કહ્યું કે ‘હાલમાં તો આવી કોઈ જાહેરાત નથી અને મને પણ એની કોઈ માહિતી નથી.’