02 February, 2026 01:05 PM IST | Mumbai | Gujarati Mid-day Correspondent
આદિત્ય રૉય કપૂર
આદિત્ય રૉય કપૂર છેલ્લે ‘મેટ્રો ઇન દિનોં’માં જોવા મળ્યો હતો. હવે રિપોર્ટ છે કે આદિત્ય કરણ જોહરની હૉરર-થ્રિલર ફિલ્મમાં જોવા મળશે. કરણ જોહરની કાર્તિક આર્યન સ્ટારર ‘નાગઝિલા’ આ જ વર્ષના અંત સુધીમાં રિલીઝ થવાની શક્યતા છે. આ વચ્ચે કરણે હવે આદિત્ય સાથેની પોતાની આગામી ફિલ્મની તૈયારી શરૂ કરી દીધી છે. મળતી માહિતી પ્રમાણે કરણે ધર્મા પ્રોડક્શન્સ માટે એક હોરર-થ્રિલર ફિલ્મ ફાઇનલ કરી લીધી છે અને લીડ રોલ માટે આદિત્યને સાઇન કર્યો છે. આ પ્રોજેક્ટ એકદમ અલગ પ્રકારનો હોવાનું કહેવામાં આવી રહ્યું છે અને ધર્મા પ્રોડક્શન્સમાં દરેક વ્યક્તિ આ ફિલ્મ થિયેટરમાં સારી ચાલશે એ બાબતે ખૂબ જ પૉઝિટિવ છે. જાણવા મળ્યું છે કે આ ફિલ્મ મે મહિનામાં ફ્લોર પર જવાની છે. ફિલ્મમાં આદિત્ય સાથે જોડી જમાવવા માટે એક ટૉપ ઍક્ટ્રેસ સાથે વાતચીત ચાલી રહી હોવાનું પણ કહેવામાં આવે છે.
