22 September, 2022 01:31 PM IST | Mumbai | Gujarati Mid-day Correspondent
જૅકી શ્રોફ
જૅકી શ્રોફનું કહેવું છે કે પ્રતીક ગાંધી ટૅલન્ટેડ અને ડિસિપ્લિન્ડ ઍક્ટર છે. તેમણે ‘અતિથિ ભૂતો ભવ’માં સાથે કામ કર્યું છે. આ એક યુનિક લવ સ્ટોરી છે. આ ફિલ્મમાં પ્રતીકે એક મહારાષ્ટ્રિયનનું પાત્ર ભજવ્યું છે જે Zee5 પર ૨૩ સપ્ટેમ્બરે રિલીઝ થશે. આ વિશે વાત કરતાં જૅકી શ્રોફે કહ્યું કે ‘મારા પાત્ર માખણ સિંહમાં જે પ્યૉરિટી છે એ મને ખૂબ જ આકર્ષિત કરે છે. સારા ઍક્ટર્સ સાથે કામ કરવાનો મારો અનુભવ પણ ખૂબ જ સારો રહ્યો છે. પ્રતીક અને શર્મિન ખૂબ જ ટૅલન્ટેડ અને ડિસિપ્લિન્ડ ઍક્ટર્સ છે.’
પાત્ર વિશે વાત કરતાં પ્રતીક ગાંધીએ કહ્યું કે ‘મને ‘અતિથિ ભૂતો ભવ’માં કામ કરવાની ખૂબ જ મજા આવી હતી. આ એક અલગ જ જનરેશનની લવ સ્ટોરી છે જેથી મને ખૂબ જ મજા આવી હતી. મારું પાત્ર શ્રીકાન્ત છે જે મહારાષ્ટ્રિયન છે. આથી મારે મરાઠી શીખવું પડ્યું હતું. મને મરાઠી ખબર છે, પરંતુ એટલી સ્પષ્ટ નથી બોલી શકતો.’