06 July, 2022 02:11 PM IST | Mumbai | Gujarati Mid-day Correspondent
‘શૂરવીર’માં ઇન્ડિયન ઍર ફોર્સને અલગ રીતે દેખાડવામાં આવશે
અરમાન રાલ્હનનું કહેવું છે કે ‘શૂરવીર’માં ઇન્ડિયન ઍર ફોર્સને અલગ રીતે દેખાડવામાં આવશે. આ શોમાં અરમાન ફાઇટર પાઇલટનું પાત્ર ભજવી રહ્યો છે. કૉકપિટમાં શું થાય છે એને દર્શકો આ શોમાં વધુ નજીકથી જોઈ શકશે. આ શોને ડિઝની + હૉટસ્ટાર પર પંદર જુલાઈએ રિલીઝ કરવામાં આવશે. આ વિશે અરમાને કહ્યું કે ‘મને નથી લાગતું કે આપણે આજ સુધી ઇન્ડિયામાં ‘શૂરવીર’ જેવો શો જોયો હોય. આ શોમાં ઍર ફોર્સને એકદમ યુનિક રીતે દેખાડવામાં આવી છે. આ શોમાં દર્શકોને કૉકપિટની અંદર શું ચાલે છે એ વિશે નિકટતાથી જોવા મળશે. આ એક અલગ જ બાબત છે. આ શો કરવો ખૂબ જ મુશ્કેલ હતો અને અમારા ડિરેક્ટર કનિષ્ક વર્માએ ખૂબ જ સારું કામ કર્યું છે. દર્શકો આ શોને કેવો રિસ્પૉન્સ આપે છે એ જોવા હું આતુર છું.’