12 April, 2021 01:49 PM IST | Mumbai | Gujarati Mid-day Correspondent
શ્રેયા ઘોષાલ
શ્રેયા ઘોષાલ માટે લૉકડાઉનની સ્થિતિમાં તેના ફ્રેન્ડ્સે ઑનલાઇન બેબી શાવરનું આયોજન કર્યું હતું. શ્રેયાએ તેના બાળપણનાં ફ્રેન્ડ શિલાદિત્ય મુખોપાધ્યાય સાથે ૨૦૧૫માં લગ્ન કર્યાં હતાં. ૬ વર્ષ બાદ તેમના ઘરે હવે પારણું બંધાવાનું છે. વર્તમાનમાં લૉકડાઉનને કારણે આયોજિત આ ઑનલાઇન બેબી શાવરમાં શ્રેયાના ફ્રેન્ડ્સે વિવિધ વ્યંજનો બનાવીને તેને મોકલ્યાં હતાં. એનો ફોટો ઇન્સ્ટાગ્રામ પર શૅર કરીને શ્રેયાએ કૅપ્શન આપી હતી કે ‘તમારા ફ્રેન્ડ્સ જ્યારે દૂર રહીને પણ તમારા પર વહાલ વરસાવવાનું નક્કી કરે. મારી ક્યુટેસ્ટ ‘બાવરીઝે’ ઑનલાઇન સરપ્રાઇઝ બેબી શાવરનું આયોજન કર્યું હતું. દરેકે કંઈક ને કંઈક બનાવ્યું અને સજાવીને મારી પાસે મોકલ્યું હતું. હું કેટલી નસીબદાર છું. આશા છે કે સમય કંઈક સારો હોત, ન લૉકડાઉન હોત કે ન કરફ્યુ હોત. મારી ગર્લ્સને મળવાનું મિસ કરી રહી છું.’