સપ્ટેમ્બરમાં લગ્ન કરશે રિચા અને અલી ફઝલ?

અલી ફઝલ અને રિચા

રિચા ચઢ્ઢા અને અલી ફઝલ સપ્ટેમ્બરમાં લગ્ન કરે એવી શક્યતા છે. આ બન્ને ઘણાં વર્ષોથી રિલેશનમાં છે. સૂત્રો મુજબ આ બન્ને મુંબઈ અને દિલ્હીમાં બે સેરેમનીમાં લગ્ન કરવાનાં છે. ૨૦૨૦માં પણ આ બન્ને લગ્ન કરવાનાં હતાં, પરંતુ મહામારીને કારણે તેમનાં લગ્ન અટકી ગયાં હતાં. ત્યાર બાદ તેમણે ૨૦૨૦ના જૂનમાં લગ્ન કરવાનું નક્કી કર્યું તો અલીની મમ્મીનું અવસાન થયું હતું. એથી હવે તેઓ આ વર્ષે સપ્ટેમ્બરમાં લગ્ન કરી લેવાનાં છે એવું જાણવા મળ્યું છે. આ બન્ને ‘ફુકરે’ના સેટ પર મળ્યાં હતાં અને એકમેકના પ્રેમમાં પડ્યાં હતાં. અલીની હૉલીવુડ ફિલ્મ ‘વિક્ટોરિયા ઍન્ડ અબ્દુલ’ના વર્લ્ડ પ્રીમિયર વખતે રેડ કાર્પેટ પર બન્નેએ હાથોમાં હાથ નાખીને એન્ટ્રી કરી હતી. આવી રીતે રિચા અને અલીએ પોતાના રિલેશન જાહેર કર્યા હતા.