17 January, 2021 04:50 PM IST | Mumbai | Gujarati Mid-day Correspondent
પેબલો સેઝર
આર્જેન્ટિનાના ફિલ્મમેકર પેબલો સેઝરે જણાવ્યું છે કે જેમ વેસ્ટમાં મૅરડોના જાણીતો છે એમ અમિતાભ બચ્ચન પણ ફેમસ છે. પેબલો ઇન્ટરનૅશનલ ફિલ્મ ફેસ્ટિવલ ઑફ ઇન્ડિયાના ચૅરમૅન છે. આ ફેસ્ટિવલ ગઈ કાલથી ૨૪ જાન્યુઆરી સુધી ગોવામાં આયોજિત થવાનો છે. અમિતાભ બચ્ચનની પ્રશંસા કરતાં પેબલોએ કહ્યું હતું કે ‘તેમની સ્ટાઇલ અનોખી છે. કમર્શિયલ સિનેમામાં મોટા ભાગના ઍક્ટર્સ ફેમસ હોય છે. તમે અમિતાભ બચ્ચનનું નામ લો તો વેસ્ટમાં પણ દરેક તેમને ઓળખે છે. તેઓ ભારતમાં મૅરડોના જેટલા જાણીતા છે. આ ખરેખર અદ્ભુત છે કે એશિયાના ઍક્ટરને વૈશ્વિક સ્તરે ઓળખ મળી છે. અમિતાભ બચ્ચન સાથે ફિલ્મ બનાવવાની તક મળે તો હું ખૂબ ખુશ થઈશ.’