10 May, 2022 03:22 PM IST | Mumbai | Gujarati Mid-day Correspondent
‘ડૉક્ટર સ્ટ્રેન્જ’નો બિઝનેસ ૭૯.૫૦ કરોડ
હૉલીવુડની ‘ડૉક્ટર સ્ટ્રેન્જ ઇનટુ ધ મલ્ટિવર્સ ઑફ મૅડનેસ’એ ઇન્ડિયામાં ઓપનિંગ વીક-એન્ડમાં ૭૯.૫૦ કરોડ રૂપિયાનો બિઝનેસ કર્યો છે. માર્વલ સિનેમૅટિક યુનિવર્સની આ ફિલ્મમાં બેનેડિક્ટ કમ્બરબૅચે લીડ રોલ ભજવ્યો છે. શુક્રવારે આ ફિલ્મે ૨૮.૩૫ કરોડ, શનિવારે આ ફિલ્મે ૨૫.૭૫ કરોડ અને રવિવારે આ ફિલ્મે ૨૫.૪૦ કરોડની સાથે ટોટલ ૭૯.૫૦ કરોડ રૂપિયાનો બિઝનેસ કર્યો છે. આ બિઝનેસ ઇન્ડિયાની તમામ ભાષાઓનો મળીને છે. એક રીતે જોવા જઈએ તો માર્વલની અન્ય ફિલ્મો કરતાં આ ફિલ્મે ઓછો બિઝનેસ કર્યો છે, પરંતુ બૉલીવુડની કેટલીક ફિલ્મોની સરખામણીમાં આ બિઝનેસ ખૂબ જ વધુ છે. જોકે સોમવારથી આ બિઝનેસમાં ખૂબ જ મોટો તફાવત જોવા મળી શકે છે, કારણ કે ફિલ્મને જોઈએ એટલી દમદાર બનાવવામાં નથી આવી.