તબુ અને કરીના સાથે દેખાશે દિલજિત દોસાંજ

રાજેશ ક્રિશ્નન એને ડિરેક્ટ કરી રહ્યો છે. આ ફિલ્મને એકતા કપૂર, અનિલ કપૂર અને રિયા કપૂર સાથે મળીને પ્રોડ્યુસ કરી રહ્યાં છે.

દિલજિત દોસંજ

દિલજિત દોસાંજ ‘ધ ક્રૂ’માં તબુ, કરીના કપૂર ખાન અને ક્રિતી સૅનન સાથે દેખાવાનો છે. આ એક કૉમેડી ફિલ્મ હશે. એમાં ઍરલાઇન ઇન્ડસ્ટ્રીની સ્ટ્રગલ દેખાડવામાં આવશે. ત્રણ મહિલાઓની આ સ્ટોરી છે. લાઇફમાં આગળ વધવાના પ્રયાસમાં તેઓ એક અણધારી સ્થિતિમાં મુકાઈ જાય છે અને એક જાળમાં ફસાઈ જાય છે. રાજેશ ક્રિશ્નન એને ડિરેક્ટ કરી રહ્યો છે. આ ફિલ્મને એકતા કપૂર, અનિલ કપૂર અને રિયા કપૂર સાથે મળીને પ્રોડ્યુસ કરી રહ્યાં છે. માર્ચમાં એનું શૂટિંગ શરૂ થશે. આ ફિલ્મમાં દિલજિતની એન્ટ્રી વિશે રિયાએ કહ્યું કે ‘દિલજિતને આ ફિલ્મમાં કાસ્ટ કરવાને લઈને અમે અતિશય ખુશ છીએ. આ ફિલ્મ અન્ય ફિલ્મ કરતાં અલગ હશે. ફિલ્મના કલાકારો અને હું લોકોને યાદગાર અને જોશસભર મનોરંજક ફિલ્મ દેખાડવા આતુર છું.’