‘પ્રોજેક્ટ K’ના સેટ પર રાજકુમારી કહેવામાં આવી દીપિકા પાદુકોણને

નાગ અશ્વિનની આ ફિલ્મમાં પ્રભાસ અને અમિતાભ બચ્ચન પણ જોવા મળશે

તસવીર સૌજન્ય : ઇન્સ્ટાગ્રામ

દીપિકા પાદુકોણ તેની આગામી ફિલ્મ ‘પ્રોજેક્ટ K’ના શૂટિંગ માટે હૈદરાબાદ પહોંચતાં જ તેનું સ્વાગત કરતાંની સાથે જ તેને રાજકુમારી કહેવામાં આવી હતી. નાગ અશ્વિનની આ ફિલ્મમાં પ્રભાસ અને અમિતાભ બચ્ચન પણ જોવા મળશે. શૂ​ટિંગ માટે હૈદરાબાદના રામોજી ફિલ્મ સિટીમાં સ્પેશ્યલ સેટ બનાવવામાં આવ્યો છે. દીપિકા હૈદરાબાદ પહોંચતાં જ વૈજયંતી મૂવીઝે તેને ગિફ્ટ આપવાની સાથે જ એક સ્પેશ્યલ નોટ પણ લખી હતી. એ ગિફ્ટ અને નોટને દીપિકાએ ઇન્સ્ટાસ્ટોરી પર શૅર કરી છે. એ નોટમાં લખ્યું છે કે ‘સાઉથની દીકરી, જે આખા વિશ્વના લોકોનાં દિલો પર શાસન કરે છે. દેશની રાજકુમારી. વેલકમ હોમ DP! ચાલ, સાથે મળીને આખા જગતને જીતીએ.’