કરણે મોકલાવેલી સ્વીટ સરપ્રાઇઝને બે લાખ રૂપિયામાં વેચવા કાઢી છે કાર્તિકે

કરણે મોકલાવેલી સ્વીટ સરપ્રાઇઝને બે લાખ રૂપિયામાં વેચવા કાઢી છે કાર્તિકે

કરણ જોહરે મોકલાવેલી સ્વીટ

કરણ જોહરે એક બૉક્સ ભરીને આઇસક્રીમ ગિફટ તરીકે કાર્તિક આર્યનને મોકલાવ્યો છે. તો કાર્તિકે એ આઇસક્રીમને વેચવા કાઢ્યો છે. સાથે જ એની કિંમત પણ ભારે રાખી છે. એક વ્યક્તિ આઇસક્રીમ ભરેલું બૉક્સ લઈને કાર્તિકના ઘરે જાય છે અને કહે છે કે કરણ જોહરે આ બૉક્સ મોકલાવ્યું છે. એની નાનકડી ક્લિપ બનાવીને ઇન્સ્ટાગ્રામ પર શૅર કરીને કાર્તિકે કૅપ્શન આપી હતી કે ‘કરણ જોહરના ઘરે મેં જે આઇસક્રીમ ખાધો એ મને ખૂબ ગમ્યો હતો. એથી લાગણી વ્યક્ત કરતાં તેણે મારા ઘરે થોડો મોકલાવ્યો છે. હું હવે એને વેચવાનો છું. એક સ્કૂપના બે લાખ + જીએસટી. અમારી પાસે ગુચી અને બૅલેન્સિએગા ફ્લેવર્સ છે. એનું બુકિંગ પણ ચાલુ છે.’