12 July, 2021 06:25 PM IST | mumbai | Gujarati Mid-day Online Correspondent
અજય દેવગણ ( ફાઈલ ફોટો)
અજય દેવગણ સ્ટારર વોર એક્શન ફિલ્મ `ભુજ ધ પ્રાઇડ ઓફ ઈન્ડિયા` નું અદ્ભૂત ટ્રેલર રિલીઝ થઈ ગયું છે. આ ફિલ્મ સ્વતંત્રતા દિવસ પહેલા 13 ઓગસ્ટના રોજ ડિજિટલ રીતે રિલીઝ થશે. ફિલ્મનું મોશન પોસ્ટર અને ટીઝર રિલીઝ થઈ ચૂક્યું છે. અભિષેક દુધૈયા દ્વારા દિગ્દર્શિત આ ફિલ્મમાં સંજય દત્ત, સોનાક્ષી સિંહા, એમી વિર્ક, નોરા ફતેહી અને શરદ કેલકર મુખ્ય ભૂમિકામાં છે.
`ભુજ ધ પ્રાઈડ ઓફ ઇન્ડિયા` અભિષેક દુધૈયા, રમણ કુમાર, રિતેશ શાહ અને પૂજા ભવેરિયાએ આ ફિલ્મ લખી છે અને તે ડિઝની પ્લસ હોટસ્ટાર પર 13 ઓગસ્ટે રિલીઝ થવાની તૈયારીમાં છે. આ ધમાકેદાર ટ્રેલર જોયા બાદ કોઇપણ આની પ્રસંશા કર્યા વિના નહીં રહે. ટ્રેલરની શરૂઆત 1971, ભુજ ગુજરાતની ડેટ સાથે થાય છે. ત્યારબાદ બતાવવામાં આવ્યુ છે કે કઇ રીતે પાકિસ્તાની વાયુસેના ભારતીય એરબેઝ પર અચાનક હુમલો કરી દે છે. ત્યાર પછી ભારતીય સેના પણ આ હુમલાનો જડબાતોડ જવાબ આપતી દેખાય છે.
જો અજય દેવગણના કામની વાત કરવામાં આવે તો અજય દેવગણ અને નિર્માતા દિલ રાજુએ તાજેતરમાં હિન્દીમાં તેલુગુ ફિલ્મ `નાંધી` બનાવવાની ઘોષણા કરી હતી. બંનેએ આ ફિલ્મના એક્ઝિક્યુટિવ્સને ક્રાઇમ અને કોર્ટ થીમ પર ખરીદી છે. આ 2021 ફિલ્મનું નિર્દેશન વિજય કનકમેડલાએ કર્યું છે અને સતિષ વેગાસના દ્વારા નિર્માણ કરવામાં આવ્યું છે. તેલુગુ ફિલ્મમાં અલારી નરેશ મુખ્ય ભૂમિકામાં હતો. આ ફિલ્મમાં એક વિચારાધીન કેદીની વાર્તા કહેવામાં આવી છે, જેની પર ખોટા હત્યાના આરોપ મૂકવામાં આવ્યા છે અને તે ચૂકાદાની રાહ જુએ છે.