13 September, 2021 10:30 AM IST | Mumbai | Gujarati Mid-day Correspondent
૧૬ સપ્ટેમ્બરે ઑનલાઇન રિલીઝ થશે ‘બેલ બૉટમ’
અક્ષયકુમારની ‘બેલ બૉટમ’ ૧૬ સપ્ટેમ્બરે ઍમેઝૉન પ્રાઇમ વિડિયો પર રિલીઝ કરવામાં આવશે. આ ફિલ્મ ૧૯ ઑગસ્ટે થિયેટર્સમાં રિલીઝ કરવામાં આવી છે. રણજિત એમ. તિવારીના ડિરેક્શનમાં બનેલી આ ફિલ્મમાં અક્ષયકુમાર સાથે વાણી કપૂર, લારા દત્તા, હુમા કુરૈશી અને આદિલ હુસેન લીડ રોલમાં છે. ફિલ્મને ઑનલાઇન રિલીઝ કરવા વિશે અક્ષયકુમારે કહ્યું કે ‘આ ફિલ્મને થિયેટર્સમાં રિલીઝ કર્યા બાદ હવે એની સ્ટોરીને વધુમાં વધુ લોકો સુધી પહોંચાડવાનો સમય આવી ગયો છે, એથી ઍમેઝૉન પ્રાઇમ વિડિયો પર ‘બેલ બૉટમ’ને રિલીઝ કરવાથી બીજો સારો કોઈ રસ્તો ન હોઈ શકે. ૨૪૦ કરતાં વધુ દેશો અને એની સીમાના લોકો સુધી આ ફિલ્મ પહોંચશે. મને આશા છે કે અનસંગ હીરોની આ સ્ટોરી વધુ દર્શકો સુધી પહોંચશે.’
ફિલ્મના ડિરેક્ટર રણજિત તિવારીએ કહ્યું કે ‘મને લાગે છે કે અનેક અનસંગ હીરોની આ સ્ટોરી લોકો સુધી પહોંચાડવી જરૂરી છે. એમાં રસપ્રદ પ્લૉટ, ઍક્ટર્સે તેમનું જે સમર્પણ દેખાડ્યું છે એ દર્શકોને છેવટ સુધી જકડી રાખશે.’