અલીબાગની હોટેલમાં આ જ મહિને પરણશે વરુણ ધવન-નતાશા દલાલ?

અલીબાગની હોટેલમાં આ જ મહિને પરણશે વરુણ ધવન-નતાશા દલાલ?

વરુણ ધવન અને નતાશા દલાલની ફાઈલ તસવીર (તસવીર સૌજન્ય: યોગેન શાહ)

બૉલીવુડ અભિનેતા વરુણ ધવન (Varun Dhawan) અને તેની લોન્ગ ટાઈમ ગર્લફ્રેન્ડ નતાશા દલાલ (Natasha Dalal)ના લગ્નની ચોમેર ચર્ચાઓ ચાલી રહી છે. હવે આ લગ્ન સંબંધિત એક મોટા મસાચાર સામે આવ્યા છે. વરુણ અને નતાશા આ મહિને જ લગ્ન કરવાના છે. તે માટે પરિવારજનોએ અલીબાગમાં એક ફાઈવ સ્ટાર હોટેલ બુક કરી છે. જેમાં માત્ર ખાસ 200 મહેમાનોને જ આમંત્રણ આપવામાં આવશે.

વરુણ ધવને બાળપણની મિત્ર નતાશા દલાલ સાથેની રિલેશનશિપ 2018માં જ ઓફિશ્યલ કરી હતી અને તેઓ છેલ્લા બે વર્ષથી લગ્નની તૈયારીઓ કરી રહ્યાં હતા. વરુણ અને નતાશા ગયા વર્ષે મે મહિનામાં લગ્ન કરવાના હતા પણ કોરોના વાયરસ અને લૉકડાઉનને કારણે આ લગ્ન પોસ્ટપોન થઈ ગયા હતા. થોડાક સમય પહેલા એવી ચર્ચા હતી કે તેઓ ફેબ્રુઆરી મહિનામાં  પરણશે. પરંતુ હવે તેઓ આ મહિનામાં જ લગ્ન કરી લેવાના છે. પિન્કવિલાના અહેવાલ પ્રમાણે, વરુણ ધવન અલીબાગમાં એક ફાઈવ સ્ટાર હોટલ બુક કરાવીને આવ્યો છે. આ લગ્ન એક બિગ ફેટ પંજાબી વેડિંગ હશે. પરંતુ કોરોના વાયરસ મહામારીને ધ્યાનમાં રાખતા કડક નિયમોનું પાલન કરાશે અને માત્ર 200 મહેમાનોને જ આમંત્રણ આપવામાં આવશે. આ 200 મહેમાનોમાં માત્ર અંગત મિત્રો અને પરિવારજનો હશે તેવું કહેવામાં આવી રહ્યું છે. તેમજ ધવન પરિવારે મહેમાનોની યાદી પણ તૈયાર કરી દીધી હોવાનું સંભળાઈ રહ્યું છે.

આ પણ વાંચો: શું વરૂણ ધવન અને નતાશા દલાલનું બ્રેકઅપ થઈ ગયું? જાણો શું છે હકીકત

અભિનેતાએ થોડાક દિવસો પહેલા જ એક ઈન્ટરવ્યૂમાં પણ કહ્યું હતું કે, છેલ્લા બે વર્ષથી બધા અમારા લગ્નની વાતો કરે છે. અત્યારે તો વિશ્વમાં જ ઘણી અનિશ્ચિતતા છે. પરંતુ જો બધુ બરાબર હશે તો બની શકે છે કે આ વર્ષે અથવા જેટલું જલ્દી બની શકે અમે લગ્ન કરી લઈશું.