10 January, 2021 05:26 PM IST | Mumbai | Gujarati Mid-day Correspondent
અમિતાભ બચ્ચને જણાવ્યું છે કે ‘કૂલી’માં થયેલા ઍક્સિડન્ટ બાદ ટ્રીટમેન્ટ કરીને ઘરે પાછો આવ્યો ત્યારે મેં પિતાને પહેલી વખત રડતા જોયા હતા. ટ્વિટર પર અમિતાભ બચ્ચનના ૪૫ મિલ્યન ફૉલોઅર્સ છે. એ બદલ તેમને અભિનંદન આપતાં જાસ્મિન નામની એક ફૅને એ જૂનો ફોટો શૅર કર્યો હતો. એ ફોટોમાં અમિતાભ બચ્ચન તેમના પિતા હરિવંશ રાય બચ્ચનને પગે લાગી રહ્યા છે. એ ફોટોને ટ્વિટર પર શૅર કરીને અમિતાભ બચ્ચને ટ્વીટ કર્યું હતું કે ‘આ કૅપ્શનમાં ૪૫ મિલ્યન ફૉલોઅર્સ હોવાનું જણાવવામાં આવ્યું છે. થૅન્ક યુ જાસ્મિન. જોકે આ ફોટો ઘણું બધું કહી જાય છે. આ એ ક્ષણનો ફોટો છે જ્યારે હું ‘કૂલી’માં થયેલા ઍક્સિડન્ટ બાદ મોતના મોંમાંથી બચીને પાછો આવ્યો હતો. એ દરમ્યાન પહેલી વખત મેં મારા પિતાને રડતા જોયા હતા. બાજુમાં ઊભેલો નાનકડો અભિષેક પણ ચિંતિત છે.’