આલિયા અને સંજય લીલા ભણસાલીને કોર્ટના સમન્સ

ગંગુબાઈ કાઠિયાવાડીના દીકરાએ તેમના પર કર્યો માનહાનિનો દાવો

આલિયા ભટ્ટ

સંજય લીલા ભણસાલી, આલિયા ભટ્ટ અને રાઇટર હુસેન ઝૈદી વિરુદ્ધ ગંગુબાઈ કાઠિયાવાડીના દીકરાએ માનહાનિનો દાવો કર્યા બાદ કોર્ટે આ ત્રણેયને સમન્સ મોકલ્યા છે. ગંગુબાઈ કાઠિયાવાડીએ દત્તક લીધેલાં ચાર બાળકોમાંના એક દીકરા બાબુ રવજી શાહે આ કેસ કર્યો છે. ગંગુબાઈ કાઠિયાવાડીની લાઇફ પર બની રહેલી ફિલ્મ ‘ગંગુબાઈ કાઠિયાવાડી’માં આલિયા લીડ રોલમાં છે. સંજય લીલા ભણસાલીની આ ફિલ્મ આ વર્ષે ૩૦ જુલાઈએ થિયેટર્સમાં રિલીઝ થવાની છે. આ ફિલ્મ હુસેન ઝૈદીની બુક ‘માફિયા ક્વીન્સ ઑફ મુંબઈ’ પરથી બનાવવામાં આવી છે. મુંબઈ કોર્ટે આ ત્રણેયને ૨૧ મેના દિવસે કોર્ટમાં હાજર રહેવાના આદેશ આપ્યા છે.